पुणे - राज्याच्या गृह विभागाकडून वरिष्ठ आयपीएस पोलिस अधिकाऱ्यांच्या पदोन्नती आणि बदल्यांचे आदेश सोमवारी काढण्यात आले. पुण्यातील अतिरिक्त पोलिस आयुक्त राजेंद्र डहाळे यांच्या जागेवर प्रवीण पाटील यांची तर, जालिंदर सुपेकर यांच्या जागेवर अरविंद चावरिया यांची बदली झाली आहे.
पिंपरी चिंचवडचे अतिरिक्त आयुक्त संजय शिंदे यांची पिंपरी चिंचवड येथेच पदोन्नतीने पोलिस सह आयुक्तपदी नियुक्ती करण्यात आली आहे. तर, सह आयुक्त मनोज लोहिया यांची छत्रपती संभाजीनगर येथे पोलिस आयुक्तपदी बदली करण्यात आली आहे.
छत्रपती संभाजीनगरचे पोलिस आयुक्त निखिल गुप्ता यांच्या नियुक्तीचे स्वतंत्रपणे आदेश काढण्यात येतील, असे आदेशात नमूद केले आहे.
बदली झालेल्या अन्य पोलिस अधिकाऱ्यांची नावे. कंसामध्ये पदोन्नतीने पदस्थापना केलेले ठिकाण-
राजेंद्र डहाळे (अतिरिक्त आयुक्त, पश्चिम विभाग, पुणे ते संचालक, महाराष्ट्र गुप्तवार्ता अकादमी, पुणे).
जालिंदर सुपेकर (अतिरिक्त आयुक्त प्रशासन, पुणे ते विशेष पोलिस महानिरीक्षक, कारागृह विभाग, पुणे).
प्रवीण पाटील (समादेशक, राज्य राखीव पोलिस बल-१ ते अतिरिक्त आयुक्त, पश्चिम विभाग, पुणे).
अरविंद चावरिया (पोलिस अधीक्षक, सीआयडी, पुणे ते अतिरिक्त आयुक्त, प्रशासन, पुणे).
संजय दराडे (अतिरिक्त आयुक्त विशेष शाखा मुंबई ते विशेष पोलिस महानिरीक्षक सीआयडी पुणे).
ए.डी. कुंभारे (अतिरिक्त आयुक्त मुंबई ते विशेष पोलिस महानिरीक्षक एटीएस मुंबई).
एम.आर. घुर्ये (अतिरिक्त आयुक्त गुन्हे, नवी मुंबई ते विशेष पोलिस निरीक्षक, रा.रा. पोलिस बल पुणे).
डी.एस.चव्हाण (अतिरिक्त आयुक्त गुन्हे मुंबई ते विशेष पोलिस महानिरीक्षक, छत्रपती संभाजीनगर).
डी. आर. सावंत (अतिरिक्त आयुक्त दक्षिण मुंबई ते विशेष पोलिस महानिरीक्षक, सागरी सुरक्षा मुंबई).
अशोक मोराळे (अतिरिक्त आयुक्त गुन्हे, ठाणे ते विशेष पोलिस महानिरीक्षक, रा.रा. पोलिस बल नागपूर).
एस.एच. महावरकर (पोलिस उपमहानिरीक्षक नांदेड ते विशेष पोलिस महानिरीक्षक नांदेड).
निसार तांबोळी (अतिरिक्त आयुक्त वाहतूक, मुंबई ते विशेष पोलिस महानिरीक्षक प्रशासन, मुंबई).
एस.डी. येनपुरे (विशेष पोलिस
महानिरीक्षक, बिनतारी, पुणे ते विशेष पोलिस महानिरीक्षक सीआयडी पुणे).
के.एम. मलिकार्जुन (विशेष महानिरीक्षक, छत्रपती संभाजीनगर ते विशेष पोलिस महानिरीक्षक आस्थापना मुंबई)
पोलिस उपमहानिरीक्षकपदी बढती -
भारतीय पोलिस सेवेतील अधिकारी अभिनव देशमुख, सारंग आव्हाड, प्रवीण पाटील, अरविंद चावरिया, अनिल पारसकर यांच्यासह दहा अधिकाऱ्यांना पोलिस उपमहानिरीक्षकपदी (अतिरिक्त आयुक्त) बढती देण्यात आली आहे.
तर, पोलिस उपमहानिरीक्षक दीपक साकोरे यांची नवी मुंबईत अतिरिक्त पोलिस आयुक्त (गुन्हे) आणि पोलिस उप महानिरीक्षक वीरेंद्र मिश्रा यांची विशेष शाखा, मुंबई येथे नियुक्ती करण्यात आली आहे.
पदोन्नतीवर बदली झालेल्या अन्य पोलिस अधिकाऱ्यांचे नाव. कंसात पदस्थापना-
अभिनव देशमुख (पोलिस उपायुक्त, मुंबई ते अतिरिक्त आयुक्त, दक्षिण विभाग, मुंबई).
अनिल पारसकर (पोलिस उपायुक्त, मुंबई ते अतिरिक्त आयुक्त, मध्य प्रादेशिक विभाग, मुंबई).
एम. रामकुमार (पोलिस उपायुक्त, मुंबई ते अतिरिक्त आयुक्त, वाहतूक, मुंबई).
शशिकुमार मीना (समादेशक, रा.रा. पोलिस बल-८ मुंबई ते अतिरिक्त आयुक्त, गुन्हे, मुंबई).
संजय पाटील (पोलिस उपायुक्त, मुंबई ते अतिरिक्त आयुक्त, गुन्हे, नागपूर शहर).
वसंत परदेशी (समादेशक, रा.रा. पोलिस बल-७, दौंड ते अतिरिक्त आयुक्त, पिंपरी चिंचवड).
सारंग आव्हाड (पोलिस अधीक्षक, बुलडाणा ते पोलिस उपमहानिरीक्षक, सीआयडी, पुणे).
पी. पी. शेवाळे (कार्यकारी संचालक म.रा.वि.वि. मुंबई ते अतिरिक्त आयुक्त, उत्तर विभाग, नागपूर शहर).
पोलिस महासंचालकपदी तिघांना बढती
गृह विभागाने अतिरिक्त पोलिस महासंचालक श्रेणीतील तीन वरिष्ठ अधिकाऱ्यांना पोलिस महासंचालकपदी बढती दिली आहे. त्यात ठाणे शहरचे पोलिस आयुक्त जयजीत सिंह यांची पद उन्नत करून त्याच ठिकाणी नियुक्ती केली आहे.
दहशतवाद विरोधी पक्षकाचे (एटीएस) मुंबईचे अतिरिक्त महासंचालक सदानंद दाते यांची एटीएसच्या पोलिस महासंचालकपदी तर, आर्थिक गुन्हे शाखेचे अतिरिक्त महासंचालक बिपिनकुमार सिंह यांची राज्य सुरक्षा महामंडळाच्या व्यवस्थापकीय संचालकपदी पदोन्नतीने बदली केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
