Pune : कलाम वर्ल्ड रेकॉर्ड मध्ये वृतिका प्रसाद बासुतकरची नोंद

Pune : वयाच्या दुसऱ्याच वर्षी, कर्वेनगर, पुणे, महाराष्ट्र येथे राहणाऱ्या चि. वृतिका प्रसाद बासुतकर हिचे कलाम वर्ल्ड रेकॉर्डमध्ये नाव नोंद झाले आहे. तिने दोन गोल्ड मेडल्स, सर्टिफिकेट तसेच दोन ट्रॉफी प्राप्त केल्या आहेत.

तिला जिनियस चाईल्ड विथ एक्सस्पेशनल ग्रास्पिंग ऍबिलिटीज आणि रायझिंग स्टार ऑफ द ईयर २०२३ हा पुरस्कार देऊन गौरविण्यात आले आहे. ४६ वेगवेगळ्या विषयातील चित्रांच्या आधारे तिने नावे ओळखली असून ज्यामध्ये फळा फुलांपासून ऐतिहासिक ठिकाणांचा समावेश होता. तब्बल १२७९ चित्रे वेळेच्या मर्यादा आधी ओळखली आहेत.

या कामगिरीची कलाम वर्ल्ड रेकॉर्ड मध्ये नोंद झाली आहे. श्रीमंत दगडूशेठ हलवाई गणपती ट्रस्ट तर्फे तिचा शाल,श्रीफळ व प्रसाद देऊन सत्कार करण्यात आला आहे. सर्व थरातून तिचा सत्कार व कौतुक करण्यात येत आहे.