येत्या काही दिवसांतच यंदाचा मान्सून देशातून निरोप घेणार आहे. त्यापूर्वी पावसाने काही राज्यांमध्ये धुमाकूळ घालत आहे. त्यामुळे पुढील काही दिवस महाराष्ट्रासह अनेक राज्यांमध्ये मुसळधार पावसाची शक्यता हवामान खात्याने वर्तवली आहे.
दरम्यान महाराष्ट्राच्या बाबतीत बोलायचे झाल्यास महाराष्ट्रात पुन्हा एकदा पाऊस सक्रिय होण्याची शक्यता आहे. त्यामुळे मराठवाडा, विदर्भ आणि मध्य महाराष्ट्राच्या काही भागात तुरळक ठिकाणी पाऊस पडण्याची शक्यता आहे.
मुंबईसह उपनगरात ढगाळ वातावरण आणि पाऊस असेल. पुणे आणि परिसरात काही प्रमाणात पाऊस पडेल. त्यामुळे नागरिकांना सावध राहण्याचे आवाहन करण्यात आले आहे.