पुणे - काँग्रेस नेते राहुल गांधी यांनी भारत जोडो यात्रेदरम्यान वि.दा. सावरकर यांच्याविषयी वादग्रस्त विधान केलं. विशेष म्हणजे राहुल यांनी महाराष्ट्रात असतानाच हे विधान केलं. त्यामुळे महाराष्ट्राचं राजकीय वातावरण ढवळून निघालं आहे. राज्यभरात अनेक ठिकाणी राहुल गांधी यांचा निषेध नोंदविण्यात आला. तर अनेक ठिकाणी जोडे मारो आंदोलन करण्यात आलं. मात्र पुण्यात आंदोलन करताना एका महिलेचा गोंधळ उडाल्याचं पाहायला मिळालं. (Rahul Gandhi News in Marathi)
पुण्यात आज राहुल गांधी यांच्या प्रतिमेला जोडे मारो आंदोलन करण्यात आलं. यावेळी बाळासाहेबांची शिवसेनेच्या वतीने सारसबागेसमोरील सावरकर यांच्या पुतळ्यास पुष्पहार अर्पण करून राहुल गांधी यांच्या फोटोला जोडे मारो आंदोलन करण्यात आले. हे आंदोलन पुणे संपर्क प्रमुख अजय भोसले आणि शहरप्रमुख नाना भानगिरे यांच्या नेतृत्वाखाली करण्यात आले. मात्र या आंदोलनाच्या वेळी उपस्थित महिलेने राजीव गांधी मुर्दाबादच्या घोषणा दिल्या.
दरम्यान महिला केवळ राजीव गांधींच्या घोषणा देण्यावर थांबली नाही, तर महिलेने जोडे मारताने चुकून सावरकरांच्या प्रतिमेवरच जोडे मारण्यासाठी उगारले होते. मात्र उपस्थित पदाधिकाऱ्यांनी महिलेच्या चूक लक्षात आणून दिली. त्यामुळे अनर्थ टळला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
