कोंढवा - मीठानगर भागात गोवंशाची मोठ्या प्रमाणात कत्तल होत असल्याची माहिती मिळाल्यानंतर कोंढवा पोलीसांनी कारवाई करत साखळी कत्तलखान्यावर छापा टाकला आहे. यामध्ये १४ गाई आणि ६ टन गोमांस जप्त करण्यात आले आहे. छापा टाकताच आरोपी फरार झाले.
ही माहिती शादाब मुलाणी, निखील दरेकर, सचिन शिंत्रे यांच्या फोन कॉलवरून मिळाल्यानंतर पोलिसांनी मिठानगरमधील गल्ली क्रमाकं २४मधील अनधिकृत शेडवर छापा टाकला. यामध्ये पोलिसांना कापलेल्या अवस्थेतील गोमांस मोठ्या प्रमाणावर आढळून आले. तसेच कत्तलीसाठी डांबुन ठेवलेल्या १४ गाई व गोवंश सापडले.
संबंधित गोतस्करांवर कारवाई करून याबाबत कोंढवा पोलिसांत गुन्हा दाखल करण्यात आला आहे. नट्टु वसीम कुरेशी (वय ३५) पप्पु लक्ष्मण भिसे (वय ४५), मलंग कुरेशी (वय ४५) इक्बाल कुरेशी (वय ३५) फैजाज कुरेशी (वय ३२) असिफ कुरेशी (वय ३५) यांच्यासह आणखी दोघांवर गुन्हा दाखल करण्यात आला आहे. पोलिसांकडून मुद्देमाल जप्त करण्यात आला असून गोमांस डिस्पोज केले आहे. या प्रकरणाचा पुढील तपास कोंढवा पोलीस स्टेशनच्या सहायक पोलीस निरिक्षक हर्षदा दगडे या करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
