मानेभोवती व दोन्ही पायात अडकलेल्या मांज्याच्या विळख्यातून निपचित पडलेल्या ग्रे बाबलेर पक्षाची अखेर पाच चिमुकल्यानी केली सुटका.
रामवाडी - मानेभोवती व दोन्ही पायात अडकलेल्या मांज्याच्या विळख्यातून निपचित पडलेल्या ग्रे बाबलेर पक्षाची अखेर पाच चिमुकल्यानी केली सुटका.
वेळ सकाळी सात वाजता, कामगार वस्तीत मुले खेळत असताना झाडीत काही तरी हालचाल होत आहे, हे पाहण्यासाठी मुले गेली असता ग्रे बाबलेर पक्षी नायलॉन मांज्याच्या विळख्यात अडकलेला दिसला. मुले जवळ गेली तर घाबरुन गेला. मोठय़ा आवाजात ओरडू लागला, अशा वेळी रस्त्याने जाणारे स्थानिक रहिवासी संजय सोमवंशी यांना आवाज दिला. त्यांच्या मदतीचा आधार घेतला. मुलांनी घरातून कात्री आणि वाटीत पाणी आणले.
अलगद उचलून त्या पक्ष्याच्या मानेचा व दोन्ही पायाचा मांजा कात्रीने कापला, पाणी पाजले, त्यानंतर त्या पक्षाला उडण्यासाठी झाडीजवळ सोडून देण्यात आले. सात ते आठ वर्षाच्या आतील कृष्णा राठोड, वैष्णवी राठोड ,सोनाली राठोड, पूजा राठोड या लहान मुलांनी ग्रे बाबलेर पक्ष्याला जीवदान दिले.
चिनी व नायलॉन मांज्यावर बंदी घातलेली असताना शहरासह उपनगर भागात सर्रासपणे विक्री सुरू आहे. मानव व पक्षी यांच्या जीवावर बेतणारे अनेक घटना घडल्या. तरीही विक्री व त्याचा वापर करणार्‍यावर पोलिस व महापालिका प्रशासन कारवाई करत नसल्याचे दिसुन आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.