बारामती - यशवंतराव चव्हाण मुक्त विद्यापीठ नाशिक यांच्यावतीने बहिस्थ बी. एड अभ्यासक्रमासाठी सन 2022-23 या शैक्षणिक वर्षासाठी ऑनलाईन प्रवेश अर्ज मागविण्यात आले होते. या अभ्यासक्रमासाठी निवड झालेल्या उमेदवारांना प्रथम फेरीत मूळ कागदपत्रांची पडताळणी करण्यासाठी 15 जून रोजी पुणे केंद्रावर बोलविण्यात आले आहे.
विदर्भ सोडून राज्यातील सर्व शाळा याच दिवशी सुरू होत असल्याने शाळेच्या पहिल्याच दिवशी कागदपत्रे पडताळणी करण्यासाठी पुणे येथे जाण्याचे सर्वांनाच अडचणीचे ठरत असल्याचे प्राथमिक शिक्षकांनी सांगितले.
पुणे, कोल्हापूर, नांदेड येथील अनेक शिक्षकांनी 15 जून नंतरची तारिख या साठी द्यायला हवी अशी मागणी केली आहे. शाळा सुरु होण्याच्य पहिल्याच दिवशी शाळेचे कामकाज सोडून फक्त कागदपत्रे पडताळणीसाठी शक्य होणार नसल्याने हा बदल करण्यात यावा अशी शिक्षकांची मागणी आहे.
शाळेचा पहिला दिवस शाळा प्रवेशोत्सव साजरा करण्याचे शासनाचे परिपत्रक आहे. त्यामुळे विद्यापीठाने या अडचणीचा विचार करुन कागदपत्रे पडताळणी पुढे ढकलावी अशी मागणी अनेक शिक्षकांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.