किरकटवाडी: अनेक दिवसांपासून प्रलंबित असलेल्या तक्रार अर्जांची निर्गती व्हावी, परस्पर समन्वयाने नागरिकांमधील वाद मिटावेत व नागरिकांना त्यांच्या समस्यांबाबत योग्य मार्गदर्शन मिळावे म्हणून हवेली पोलीस ठाण्याच्या वतीने आयोजित करण्यात आलेल्या तक्रार निवारण दिनास नागरिकांचा प्रतिसाद मिळाला. तब्बल 35 तक्रारींची एकाच दिवशी निर्गती करण्यात आली. पुणे ग्रामीणचे अपर पोलीस अधीक्षक मितेश घट्टे नागरिकांच्या तक्रारींबाबत मार्गदर्शन करण्यासाठी उपस्थित होते. नांदेड सिटी आवारातील प्रशिक्षण हॉलमध्ये पुणे ग्रामीण पोलीसांच्या हवेली पोलीस ठाण्याच्या वतीने हा तक्रार निवारणाचा उपक्रम आयोजित करण्यात आला होता. पोलीस ठाण्यात अनेक दिवसांपासून प्रलंबित असलेले तक्रार अर्ज व किरकोळ तक्रारींबाबत तक्रारदार व विरोधी नागरिक यांना समोरासमोर बसवून समजूत घालण्यात आली व कायदा न मोडण्याबाबत सांगण्यात आले. प्रत्येक बीट अंमलदाराने ही प्रक्रिया पार पाडली. यावेळी हवेली उपविभागीय पोलीस अधिकारी भाऊसाहेब ढोले, सहाय्यक पोलीस निरीक्षक निरंजन रणवरे व हवेली पोलीस ठाण्यातील इतर पोलीस कर्मचारी उपस्थित होते.
" मोठे अधिकारी येणार असल्याचे पोलिसांनी सांगितले म्हणून आले होते. आमच्या जागेवर दुसऱ्याकडून हक्क सांगितला जात आहे.आमच्याकडे सर्व कागद आहेत ते साहेबांना दाखवणार आहे."
अंजना नामदेव खिरिड, गोऱ्हे बुद्रुक.
"किरकोळ स्वरूपाचे वाद परस्पर संवादाने मिटावेत व पोलीस ठाण्यातील प्रलंबित तक्रारींबाबत वेगाने कारवाई व्हावी आणि नागरिकांना आपल्याच हद्दीत आपली बाजू मांडण्यासाठी व्यासपीठ उपलब्ध व्हावे हा या उपक्रमाचा उद्देश आहे. पोलीसांशी संबंधीत नसलेल्या तक्रारीही आहेत त्याबाबत योग्य ठिकाणी दाद मागण्यासाठी नागरिकांना मार्गदर्शन करण्यात येत आहे."
मितेश घट्टे, अपर पोलीस अधीक्षक, पुणे ग्रामीण.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
