...अन् त्याने मिळविले सगळ्याच विषयात ३५ गुण

खडकी बाजार : नुकताच जाहीर झालेल्या इयत्ता दहावीच्या परिक्षेच्या निकालामध्ये विद्यार्थ्यांनी घवघवीत यश संपादन केले, मात्र अगदी काठोकाठ म्हणजेच पस्तीस टक्के मार्क मिळवून पास झालेल्या रुपेश गोटे याची सर्वत्र चर्चा होत आहे.

पुणे

त्यात विशेष म्हणजे प्रत्येक विषयात शंभर पैकी पस्तीस गुण रुपेशला मिळाले आहेत व टक्केवारीही पस्तीसच आहे. पुण्यातील गोखलेनगर येथे राहणारा रुपेश मारुती गोटे हा 17 नंबरचा फॉर्म भरून त्याने बाहेरून इयत्ता दहावीची परीक्षा दिली. दहावीचा निकाल बुधवारी जाहीर करण्यात आला. त्यावेळी रुपेश गोटे याने ऑनलाइन निकाल पहिला, तेव्हा प्रत्येक विषयात 35 गुण व टक्केवारी ही 35 च असल्याचे त्याच्या लक्षात आले. त्याला आपण सर्व विषयात पास झाल्याचे पाहून आनंद झाला.

रुपेश मारुती गोटे याला मिळालेले गुण

इंग्रजी 100- 35                            मराठी 100- 35               हिंदी 100-35                              गणित- 100- 35

सायन्स -100- 35                    सोशल सायन्स- 100-35

एकूण टक्केवारी- 35 टक्के               एकूण मार्क 500- 175