Sakal Chitrakala Spardha 2023 : सेंट हिल्डाज शाळेतील विद्यार्थ्यांनी चित्रकलेच्या माध्यमातून कोरोनाशी लढण्याचा दिला मार्मिक संदेश

कॅन्टोन्मेंट : कोरोना या प्राणघातक आजारावर मात करण्यासाठी आपण सर्वांनी प्रयत्न करणे आवश्यक आहे. कोरोना सोबत लढण्यासाठी शासनाने दिलेल्या नियमांचे पालन करणे अगत्याचे आहे. आज या कोरोनाने आपल्याला सर्व स्तरावरची शिस्त व स्वच्छतेची शिकवण दिली आहे.

स्वच्छता कर्मचाऱ्यांसह डॉक्टर, पोलीस, प्रशासन दिवस-रात्र लढत आहेत. अशी माहिती अनेक विद्यार्थ्यांनी आपल्या चित्रकलेच्या माध्यमातून समाज प्रबोधन करत कोरोनाशी लढूया असा मार्मिक संदेश दिला. गुरुवार पेठेतील सेंट हिल्डाज शाळेत घेण्यात आलेल्या चित्रकला स्पर्धेत एकूण ७० विद्यार्थ्यांनी सहभाग नोंदविला.

रविवारची सुट्टी व गुलाबी थंडी असतानाही सकाळी कंटाळा न करता हिरहिरीने यात स्पर्धेत चित्र काढण्याचा आनंद घेतला. यावेळी विद्यार्थ्यांची कोरोना, स्वच्छता, उद्यान, क्रिकेट, बँका आदी विषयावरील स्पर्धा घेण्यात आल्या होत्या.

तसेच विद्यार्थ्यांनी सकाळचे आभार मानण्यासाठी सकाळ नावाची प्रतिकृती सादर केली. प्रसंगी शाळेच्या मुख्याध्यापिका बिनिता राठोड सह शिक्षक, सेवक आदी कर्मचारी यांचे सहकार्य लाभले.