Sakal Impact : तात्पुरत्या स्वरुपात वैद्यकीय अधिकाऱ्याची नियुक्ती

कोंढवा : साईनगरमधील माता रमाई आंबेडकर महापालिकेच्या दवाखान्यात महिनाभरापासून वैद्यकीय अधिकारीच नसल्याचे धक्कादायक वास्तव समोर आले होते. त्यानंतर सकाळने वैद्यकीय अधिकाऱ्यांअभावी रुग्णांची गैरसोय या मथळ्याखाली वृत्त छापल्यानंतर महापालिकेच्या आरोग्य विभागाकडून याची दखल घेत वैद्यकीय अधिकाऱ्याची नियुक्ती केली आहे.

पंरतु, ती नियुक्ती तात्पुरत्या स्वरुपाची असून १५ एप्रिलपर्यंत करण्यात आली आहे. त्यामुळे पुन्हा काही दिवसांनंतर दवाखान्यावर वैद्यकीय अधिकारी नसण्याची वेळ येणार का? असा प्रश्न उपस्थित केला जात आहे.

सदरील नियुक्ती ही सद्यस्थितीत तात्पुरत्या स्वरुपाची असली तरी नियुक्त केलेल्या वैद्यकीय अधिकाऱ्यांना आधीच्या ठिकाणांवरुन पदमुक्त करण्यात आले आहे. त्यामुळे साईनगरच्या दवाखान्यात ते वैद्यकीय अधिकारी पुढे कायम असतील, त्यामुळे नागरिकांनी चिंता करु नये.

- भगवान पवार, मुख्य आरोग्य अधिकारी, महापालिका