![Sakal Vidya Education Expo 2024](http://media.assettype.com/esakal%2F2024-06%2F336a9435-1208-42d4-897e-302558ec57da%2F11.jpg?w=480&auto=format%2Ccompress&fit=max)
पुणे - ‘सकाळ माध्यम समूहा’च्या वतीने आयोजित ‘सकाळ विद्या एज्युकेशन एक्स्पो २०२४’ हे तीन दिवसीय शैक्षणिक प्रदर्शन शुक्रवारपासून (ता.७) सुरू होत आहे. या प्रदर्शनाचे उद्घाटन उच्च शिक्षण विभागाचे सहसंचालक डॉ. केशव तुपे यांच्या हस्ते शुक्रवारी डी. पी. रस्ता येथील पंडित फार्म्स येथे सकाळी ११ वाजता होणार आहे. या प्रदर्शनात राज्यातील जवळपास ३५ हून अधिक नामांकित शिक्षण संस्थांमधील विविध पदवी, पदव्युत्तर पदवी, पदविका अभ्यासक्रमांची माहिती विद्यार्थी-पालकांना घेता येणार आहे.
‘सकाळ’तर्फे आयोजित हे शैक्षणिक प्रदर्शन ७, ८ आणि ९ जून दरम्यान भरविण्यात आले आहे. ‘सकाळ विद्या एज्युकेशन एक्स्पो’चे निकमार युनिव्हर्सिटी हे ‘पॉवर्ड बाय स्पॉन्सर’ आहेत तर भारती विद्यापीठ, डीईएस पुणे विद्यापीठ, एमआयटी एडीटी युनिव्हर्सिटी आणि सूर्यदत्ता ग्रुप ऑफ इन्स्टिट्यूट हे ‘असोसिएट स्पॉन्सर’ आहेत. मराठवाडा मित्र मंडळ व सिंबायोसिस स्किल्स अँड प्रोफेशनल युनिव्हर्सिटी हे ‘को-स्पॉन्सर्स’ आहेत.
तुमच्या मनातील प्रश्न सुटणार
पदवी, पदविका, पदव्युत्तर अभ्यासक्रमांसह व्यावसायिक कौशल्यावर आधारित मार्गदर्शनाच्या प्रतीक्षेत आहात का? अभ्यासक्रम निवडताना मार्गदर्शन, सल्ला हवा आहे; पण कोणाकडून मार्गदर्शन मिळवायचे?, योग्य सल्ला घेण्यासाठी कुठे जायचे?, असे असंख्य प्रश्न तुमच्या मनात आहेत का? या सर्व प्रश्नांची उत्तरे तुम्हाला ‘सकाळ विद्या एज्युकेशन एक्स्पो’मध्ये मिळणार आहेत. चला तर मग, तुम्हीही या शैक्षणिक प्रदर्शनाला भेट द्या.
एक्स्पोबाबत
कधी : ७, ८, ९ जून २०२४
केव्हा : सकाळी १० ते रात्री ८ वाजेपर्यंत
कुठे : पंडित फॉर्म्स, डीपी रस्ता, कर्वेनगर
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.