![sankarshan karhade](http://media.assettype.com/esakal%2F2023-06%2Fe214a4be-9849-4259-9838-474a8861e5f7%2Fsankarshan_karhade.jpg?w=480&auto=format%2Ccompress&fit=max)
पुणे - व्यावसायिक मराठी रंगभूमीच्या इतिहासात एखाद्या कलाकाराने एकाच दिवसात चार किंवा पाच नाट्यप्रयोग करण्याचे विक्रम केले आहेत. हीच परंपरा पुढे चालवत युवा लेखक-अभिनेता संकर्षण कऱ्हाडे याने नुकताच मुंबईत एका दिवसात तीन कलाकृतींचे तीन प्रयोग केले. आता पुण्यात दोन दिवसांत तीन कलाकृतींचे पाच प्रयोग तो सादर करणार आहे.
या तीनही कलाकृती तो कलाकार म्हणून सादर करणार असून या तीनही कलाकृतींचे लेखन त्याचेच आहे. त्यामुळे हा दुर्मीळ योग यानिमित्ताने जुळून येणार आहे. या कलाकृतींमध्ये ‘तू म्हणशील तसं’ व ‘नियम व अटी लागू’ या दोन नाटकांचा आणि ‘संकर्षण व्हाया स्पृहा’ या कवितेच्या कार्यक्रमांचा समावेश आहे.
याबाबत संकर्षण म्हणाला, ‘हा योग जुळून आल्याने खूप आनंद होत आहे. एकतर मी नाटक लिहीन, असा कधी विचार केला नव्हता. ‘तू म्हणशील तसं’ या पहिल्या नाटकाचे आता ३१० प्रयोग झाले आहेत.
‘नियम व अटी लागू’ नाटकाचे ५० हून अधिक प्रयोग झाले आहेत. तर, ‘संकर्षण व्हाया स्पृहा’ या कार्यक्रमाचे १० प्रयोग झाले आहेत. आपण वेगवेगळ्या धाटणीचे काहीतरी लिहित आहोत आणि लोकांना ते आवडत आहे, याचा आनंद शब्दातीत आहे.’
आपलासा वाटेल असा आशय असलेली कलाकृती मराठी नाट्यरसिकांना नेहमीच आवडते. चांगल्या, दर्जेदार कलाकृतींकडे मराठी नाट्यरसिक कधीच पाठ फिरवत नाही. यात केवळ मनोरंजन करणारी नाटकेच नाही, तर गहिऱ्या अर्थाची नाटकेही त्यांना तेवढीच आवडतात. कोरोनानंतर देखील प्रेक्षक मनापासून मराठी नाटक पाहायला येत आहेत आणि आम्हाला बळ देत आहेत.
- संकर्षण कऱ्हाडे, युवा लेखक-अभिनेता
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.