मोठी बातमी! विद्यापीठ परीक्षांचे वेळापत्रक दोन दिवसात होणार जाहीर

पुणे : राज्यातील महाविद्यालयांच्या परीक्षा जुलै महिन्यात घेताना पदवी व पदव्युत्तरच्या शेवटच्या वर्षातील विद्यार्थ्यांची परीक्षा द्यावी आणि प्रथम व द्वितीय वर्षाच्या विद्यार्थ्यांना 'कॅरी फाॅरवर्ड' योजना लागू करून पुढील वर्षात प्रवेश देण्याच्या पर्यायावर चर्चा झाली आहे. यासंदर्भात मुख्यमंत्री उद्धव ठाकरे आणि राज्यपाल भगतसिंग कोश्यारी यांच्याशी चर्चा करून दोन दिवसात अंतिम निर्णय घेतला जाणार आहे, अशी माहिती राज्याचे उच्च व तंत्र शिक्षण मंत्री उदय सामंत यांनी सांगितले.

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

 
विद्यापीठ अनुदान आयोगाने (यूजीसी) परीक्षांसाठी नियमावली जाहीर केली तसेच राज्य सरकारने नेमलेल्या समितीच्या अहवालावर उदय सामंत यांनी राज्यातील सर्व कुलगुरूंशी व्हिडिओ कॉन्फरन्सिंगद्वारे चर्चा केली. या बैठकीत पदवी आणि पदवीत्तर शेवटच्या वर्षाच्या परीक्षा १  ते १५ जुलै दरम्यान घेता येतील का?, त्यांचा निकाल १५ ऑगस्ट पर्यंत जाहीर करून  १ सप्टेंबर २०२० पासून नवीन शैक्षणिक वर्षाची सुरूवात करण्यात येईल का? तसेच 'कॅरी फॉरवर्ड' योजना लागू करून प्रथम व द्वितीय वर्षाच्या विद्यार्थ्यांना पुढील वर्गात प्रवेश देण्यात येईल का या शक्यतेवर बैठकीत चर्चा झाली.  

विद्यार्थ्यांनो, अभ्यासाला लागा ! नीट, जेईई मेनच्या तारखा जाहीर

एम.फिल व पी.एचडीच्या व्हायवा व्हिडीओ कॉन्फरन्सिंग च्या माध्यमातून घ्याव्यात, लघुशोधप्रबंध आणि प्रबंध सादर करण्याची मुदत संपली त्यांना मुदतवाढ देण्याबाबतही बैठकीत चर्चा करण्यात आली आहे. 

स्थगित केलेल्या परीक्षांचे काय? एमपीएसीकडून खुलाशाची मागणी

"विद्यापीठाच्या परीक्षा घेताना एकाही विद्यार्थाचे नुकसान होऊ दिले जाणार नाही त्यादृष्टीने विचार केला  आहे. या परीक्षांता अंतीम निर्णय पुढील दोन दिवसात जाहीर केला जाईल. "
- उदय सामंत, मंत्री, उच्च व तंत्र शिक्षण विभाग