कात्रज : भारती विद्यापीठ परिसरातील टमॉर्निंग वॉकला जात असलेल्या मित्रांनी भोरमधील शासकीय उपजिल्हा रुग्णालयातील कोरोनाग्रस्तांना ऑक्सिजन लावण्यासाठीचे चार ऑक्सिजन बेड आणि औषधे भेट दिली. भोरचे प्रांताधिकारी राजेंद्रकुमार जाधव यांच्या हस्ते बेड आणि औषधे रुग्णालयाचे वैद्यकीय अधीक्षक डॉ. दत्तात्रेय बामणे यांच्याकडे सुपूर्त करण्यात आले.
मॉर्निंग वॉक ग्रुपमधील प्रा. संतोष मोरे यांनी कोरोनाग्रस्तांसाठी काहीतरी करण्याची कल्पना मांडल्यानंतर ज्येष्ठ नागरिक राजाराम वीर, शेखर शिंगारे, गणेश मालुसरे, दादासाहेब कोंढरे व बापूसाहेब खिरीड यांनी कोरोनाग्रस्तांसाठी अत्याधुनिक बेड देण्याची तयारी दर्शवली. भोरमधील शासकीय उपजिल्हा रुग्णालयातील डेडिकेटेड कोविड सेंटरमध्ये अत्यवस्थ कोरोनाग्रस्तांवर उपचार केले जात आहेत. मात्र तेथे अधिक बेडची आवश्यक्ता असल्याची माहिती राजाराम वीर यांना मिळाली. त्यानंतर भोरला बेड देण्याचा निर्णय घेण्यात आला. मॉर्निंग वॉक ग्रुपच्या सदस्य़ांनी वर्गणी गोळा करून बेडची खरेदी केली. प्रांत अधिकाऱ्यांच्या हस्ते बेड रुग्नालयाकडे हस्तांतरीत करण्यात आले.
यावेळी तहसीलदार अजित पाटील, पंचायत समितीचे गटविकास अधिकारी विशाल तनपुरे, तालुका आरोग्य अधिकारी सूर्यकांत क-हाळे, सारंग शेटे, सचीन घोणे, आप्पासाहेब कांबळे, सुरेश फाले, विनय पुरोहित, किरण काळे, अविनाश शेवते, व्यंकट सावंत व मनोज मुंगळे उपस्थित होते. आमच्या ग्रुपमार्फत लोकवर्गणी गोळा करण्याचे काम सुरु असून पुढील काळात आणखी बेड देण्यात येणार असल्याचे राजाराम वीर यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
