नारायणगाव : नगर जिल्ह्यातील दोन सराईत मोटरसायकल चोरट्यांना नारायणगाव पोलिसांनी अटक केली. आरोपींकडून जुन्नर, आंबेगाव तालुक्यातुन चोरी केलेल्या १ लाख ६० हजार रुपये किमतीच्या सात दुचाकी जप्त केल्या आहेत. अशी माहिती नारायणगाव पोलिस स्टेशनचे साहय्यक पोलिस निरीक्षक डी. के. गुंड यांनी दिली.
या प्रकरणी भाऊ विठ्ठल दुधावडे (राहणार साकुर फाटा, तालुका संगमनेर,जिल्हा नगर), संतोष वाल्मीक पथवे (राहणार कोतुळ, तालुका अकोले, जिल्हा नगर) या मोटरसायकल चोरांना सोमवारी (ता. १९) अटक केली असून, आरोपींना जुन्नर न्यायालयाने एक दिवसांची पोलिस कोठडी दिली आहे.
या बाबत गुंड म्हणाले १७ ऑक्टोबर २०२० रोजी नारायणगाव बस स्थानकाच्या आवारातून व्यापारी सुदीप सुनील कसबे यांची दुचाकी चोरीला गेली होती. तपासात ही दुचाकी भाऊ दुधावडे, संतोष पथवे यांनी चोरून नेल्याचे निष्पन्न झाले. गुंड यांच्या मार्गदर्शनाखालील पोलिस उपनिरीक्षक विनय झिंजूर्के, पोलिस नाईक शेख, पोलिस शिपाई साबळे, पोलिस शिपाई कोबल, पोलिस शिपाई लोहोटे, पोलिस शिपाई वाघमारे या पथकाने आरोपींना अटक केली.
तपासात जुन्नर, आंबेगाव तालुक्यातून सात मोटरसायकलची चोरी केल्याची कबुली आरोपींनी दिली. या दुचाकी पोलिसांनी जप्त करून नारायणगाव पोलिस स्टेशनमध्ये जमा केल्या आहेत. दुचाकी मालकांनी नारायणगाव पोलिस स्टेशनशी संपर्क साधावा असे आवाहन गुंड यांनी केले आहे.
दुचाकींचे वर्णन पुढीलप्रमाणे:
स्प्लेडर चासी नं: MBLHA10EYBHC17255,
स्प्लेडर चासी नं: 97H19FJ4592, सीडी डॉन चासी नं: 05J27FO924,पल्सर चासी नं: MD2DHZZPCM54963, डिस्कव्हर चासी नं:
MD2DSPAZZSWJ59596, स्प्लेडर चासी नं: MBLHAW080KSF10446,डिस्कव्हर चासी नं: MOZDSDXZZNAD03911
(संपादन : सागर डी. शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.