Kasba Bypoll Election : महाराष्ट्राच्या राजकारणात कसबा पोटनिवणूक चांगलीच चर्चेत आली. या निवडणुकीसाठी उमेदवार घोषित करताना भाजपमध्ये अंतर्गत वाद पाहायला मिळाले. भाजप आमदार मुक्ता टिळक यांच्या निधनामुळे कसब्यात पोटनिवडणूक होत आहे. ही उमेदावरी टिळक कुटुंबात मिळेल, अशी चर्चा होती. मात्र भाजपने हेमंत रासने यांना उमेदवारी दिली. त्यामुळे शैलेश टिळक नाराज असल्याची चर्चा होती. मात्र भाजप नेत्यांनी त्यांची नाराजी दुर केली.
दरम्यान, टिळक कुटुंबीयांनी मतदान केले. शैलेश टिळक, कुणाल टिळक यासह घरातील इतर जणांनी आज कसबा पोटनिवडणुकीचा हक्क बजावला.
दरवर्षी मतदान करत होतो, या वर्षीही केले आहे. पण दरवर्षी मुक्ता बरोबर यायची निवडणुकीला आज ती उणीव भासत आहे अशी भावना व्यक्त करताना शैलेश टिळक भावूक झाले. मला खात्री आहे की भाजप कसबा पोटनिवडणूक नक्की जिंकेल, असा विश्वास शैलेश टिळक यांनी व्यक्त केला.
शैलेश टिळक म्हणाले, मुक्ता असत्या तर निवडणूक झालीचं नसती. परंतु त्यांच्या अकाली निधनामुळे ही पोटनिवडणूक होत आहे. मला शंभर टक्के खात्री आहे की भाजपचा मोठा विजय होणार आहे.
काही दिवसांपूर्वी महाराष्ट्रात सत्ताबदल झाला. त्या सत्ता बदलानंतर ही होणारी पहिली पोटनिवडणूक होती. काही दिवसांवर महापालिकेच्या निवडणुका आहेत. त्यानंतर लोकसभेच्या निवडणुका आहेत. त्यामुळे ही निवडणूक महत्वाची असल्याचे टिळक म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
