Shankar Maharaj Math: पुण्यातील शंकर महाराज मठात भाजपच्या दोन गटात हाणामारी? व्हिडिओ व्हायरल

पुणे : पुण्यातील प्रसिद्ध शंकर महाराज मठात भाजपच्या दोन गटात तुंबळ हाणामारी झाल्याची माहिती मिळते आहे. याचा एक व्हिडिओ देखील समोर आला आहे. पण भाजपनं अशा प्रकारे कसलीच मारहाण झाली नसल्याचं म्हटलं आहे. साम टीव्ही न्यूजनं याबाबत वृत्त दिलं आहे. (Shankar Maharaj Math Clash between two factions of BJP in Pune video went viral)

पुण्यातील सातारा रोडवरील धनकवडी इथं हा शंकर महाराज मठ आहे. राज्यभरातून याठिकाणी मोठ्या प्रमाणावर भाविक येत असतात. या मठात भाजपच्या दोन गटांत जोरदार हाणामारी झाली आहे. यामुळं इथंल्या भाविकांमध्ये नाराजी असल्याची माहिती मिळतेय. तसंच या प्रकारकडं मठ प्रशासनानंही दुर्लक्ष करत असल्याचा भाविकांचा आरोप आहे. तसंच राजकीय पक्षांच्या कार्यकर्त्यांनी या मठात येऊन एकमेकांविरोधात अशा प्रकारे राडेबाजी करणं योग्य नसल्याचं भाविकांनी म्हटलं आहे.