राष्ट्रवादी काँग्रेस पक्षामधील अजित पवारांसह ९ नेत्यांनी भाजप-शिवसेना यांच्यासोबत सत्तेत सामील झाले. त्यानंतर पक्षात दोन गट निर्माण झाले. अजित पवार गटाने पक्ष नाव आणि चिन्हावर दावा सांगितला. याबाबतची सुनावणी निवडणूक आयोगासमोर सुरू आहे, अशातच आज (शुक्रवारी) अजित पवार, शरद पवार, सुप्रिया सुळे एकत्र आले. पुणे शहरात प्रतापराव पवार यांच्या निवासस्थानी सर्व जण एकत्र आले होते.
शरद पवार यांचे बंधू प्रतापराव पवार यांच्या निवासस्थानी शरद पवार, सुप्रिया सुळे आणि अजित पवार यांची भेट झाली. प्रतापराव पवार हे पुण्यातील बाणेरमध्ये राहतात. त्यांच्या निवासस्थानी सर्वांची भेट झाली आहे. त्यानंतर अजित पवार दिल्लीच्या दिशेने रवाना झाले आहेत. अजित पवार दिल्लीत केंद्रीय गृहमंत्री अमित शाह यांची भेट घेणार आहेत.यासंबधीचे वृत्त एबीपी माझा या वृत्तवाहीनीने दिले आहे.
शरद पवार आणि अजित पवार यांचे सहकुटुंब जेवण झालं. या भेटीनंतर उपमुख्यमंत्री अजित पवार दिल्लीला रवाना झाले आहेत. उपमुख्यमंत्री अजित पवार आज सायंकाळी गृहमंत्री अमित शाह यांची दिल्लीत भेट घेणार आहेत. ही भेट दिवाळीनिमित्त सदिच्छा भेट देण्यासाठी असल्याची प्राथमिक माहिती समोर आली आहे. सायंकाळी उशिरा अमित शाह यांच्या निवासस्थानी भेट होणार असल्याची माहिती आहे.
या भेटीबाबत शरद पवारांच्या बहिण सरोज पाटील यांनी प्रतिक्रिया दिली आहे. 'ही भेट कौटुंबिक होती, राजकीय नव्हती, आम्ही सर्वजण एकत्र आलो, खूप दिवसानंतर आम्ही एकत्र भेटलो खूप आनंद झाला. सगळी भावंडं, मुली एकत्र भेटलो. आज प्रतापराव पवार यांचा वाढदिवसही होता.'
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
