Sharad Pawar: जुन्नरच्या राजकारणात होणार मोठे बदल? शरद पवार करणार महत्वाचा दौरा!

Amol kolhe: ज्येष्ठ नेते शरद पवार हे आज रात्री उशिरा नारायणगाव येथे मुक्कामी येणार असून उद्या (ता. 20) सकाळी कोल्हे मळा येथील माझ्या निवासस्थानी सकाळी नऊ ते दहा या वेळेत ते कार्यकर्त्यांशी संवाद साधणार आहेत.अशी माहिती खासदार डॉ. अमोल कोल्हे यांनी दिली.

खासदार डॉ. कोल्हे म्हणाले ज्येष्ठ नेते शरद पवार हे कार्यक्रमा निमित्त आज निफाड येथे आहेत.त्या नंतर ते रात्री उशिरा येथील ओसारा कृषी पर्यटन स्थळी मुक्कामी थांबणार आहेत.उद्या (ता. 20) सकाळी नऊ ते दहा या वेळेत कोल्हे मळा येथील माझ्या निवासस्थानी कार्यकर्त्यांशी संवाद साधतील.

सकाळी दहा नंतर ते आंबेगाव तालुक्यातील तांबडेमळा-अवसरी फाटा (ता. आंबेगाव) येथील शासकीय विश्रामगृहाकडे रवाना होतील. या वेळी ते आंबेगाव-शिरूर तालुक्यातील कार्यकर्त्यांशी संवाद साधतील. दुपारी पुणे येथे डीपीडीसी च्या मिटिंग साठी रवाना होतील.

राष्ट्रवादी काँग्रेस शरद पवार पक्षाकडून जुन्नर विधानसभा निवडणुकीसाठी जेष्ठ नेते शरद लेंडे, अनंतराव चौगुले, तुषार थोरात, मोहित ढमाले आदि इच्छुक आहेत. या मुळे उद्या इच्छुक उमेदवारांकडून मोठ्या प्रमाणात शक्तिप्रदर्शन होण्याची शक्यता आहे.