पुणे - 'राहुल गांधी यांच्याकडुन वारंवार जातगनणा करण्याची भाषा केली जात आहे, आता आम्ही म्हणतो तुम्ही एकदाची जातगनणा तर कराच, पण त्याची "ब्लु प्रिंट' ही तयार करा. कोणत्या जातीला किती आरक्षण तुम्ही देणार, हे एकदा जनतेसमोर मांडा. केवळ सत्तेसाठी लोकांची दिशाभुल करुन देशाचे विभाजन करण्याचे काम कॉंग्रेस थांबवावे' अशा शब्दात संरक्षण मंत्री राजनाथ सिंह यांनी शनिवारी कॉंग्रेस व राहुल गांधी यांना जातगनणेच्या मुद्यावर थेट आव्हान दिले.