उंडवडी : खडकवासला कालव्यातून शिर्सुफळ तलावात पाणी सोडून शिरसाई योजनेद्वारे लाभार्थी गावात आवर्तन सोडण्यात यावे, या मागणीसाठी १४ गावातील शेतकरी उद्यापासून ( ता. 22 ) उंडवडी सुपे ( ता. बारामती) येथील श्री. संत तुकाराम महाराज पालखी तळावर चक्री उपोषणाला बसणार आहेत.
बारामती तालुक्याच्या जिरायती भागातील शिरसाईच्या लाभ क्षेत्रात अद्यापही दमदार पाऊस झालेला नाही. त्यामुळे खरीप हंगाम वायाला गेला असून सद्यस्थितीला या भागात तीव्र चारा व पाणी टंचाई निर्माण झाली आहे.
या पार्श्वभूमीवर या भागातील शेतकर्यानी खरीप हंगाम व रब्बी हंगामासाठी शिरसाई उपसा सिंचन योजनेचे आवर्तन सोडण्यात यावे, अशी मागणी पाटबंधारे विभागाला अनेकदा केली आहे. मात्र संबधित विभागाने तीन वेळा वेगवेगळ्या तारखा देवून शेतकर्यांची निराशाच केली आहे.
त्यामुळे शेतकरी संतापले असून वेगवेगळ्या पाणी वापर संस्थेचे अध्यक्ष व लाभार्थी शेतकरी उपोषणाला बसणार आहेत. त्यामुळे १४ गावातील शेतकर्यानी शिरसाईच्या पाण्यासाठी चक्री उपोषणाचे हत्यार उपासले आहे. उपोषणाच्या नियोजनाची बैठक (ता. 21 ) गुरुवारी पार पडली. यामध्ये उद्यापासून १४ गावातील शेतकरी चक्री उपोषणाला बसणार आहेत. याबाबत नुकतेच नियोजन बैठक घेण्यात आली.
शुक्रवारपासून दररोज किमान ५० शेतकरी उपोषणाला बसतील. असा प्राथामिक अंदाज आहे. जो पर्यंत पाणी सोडणार नाहीत. तो पर्यंत चक्री उपोषण सुरु ठेवणार आहे. अशी माहिती तुकाईमाता पाणी वापर संस्थेचे अध्यक्ष मधुकर भोसले व जालिंदर वायसे यांनी दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
