पुणे : महापालिका हद्दीतील २३ गावांना सोयी-सुविधा पुरविणाऱ्या पुणे महापालिकेलाच स्पेशल प्लॅनिंग ॲथॉरिटी नियुक्त करुन नियोजनाचे अधिकार द्यावेत, अशी मागणी आमदार सिद्धार्थ शिरोळे यांनी विधानसभेत लक्षवेधी सूचनेवरील चर्चेत आज (गुरुवारी) केली.
महापालिकेतील २३ गावांच्या समावेशाबाबत लक्षवेधी सूचना आमदार सुनील टिंगरे यांनी मांडली. या लक्षवेधी सूचनेवरील चर्चेत आमदार शिरोळे यांनी भाग घेतला. पुणे महानगरपालिकेच्या हद्दीत २३ गावांचा समावेश जेव्हा करण्यात आला त्यावेळेस तत्कालीन महा विकास आघाडी सरकारने पीएमआरडीएला स्पेशल प्लॅनिंग ॲथॉरिटी म्हणून नियुक्त केले होते.
परंतु या २३ गावांमध्ये सर्व सोयी-सुविधा पुणे महानगरपालिका पुरविते आणि महसूल मात्र पीएमआरडीए वसूल करते. याकरिता पीएमआरडीए ऐवजी सोयी-सुविधांची कामे करणाऱ्या पुणे महानगरपालिकेलाच नियोजनाचे अधिकार देऊन स्पेशल प्लॅनिंग ॲथॉरिटी म्हणून नियुक्त करावे, अशी मागणी आमदार शिरोळे यांनी मुख्यमंत्री एकनाथ शिंदे यांचेकडे यावेळी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
