उपमुख्यमंत्र्यांचा नंबर वापरून खंडणीसाठी धमकी; ६ जणांना अटक

पुणे - एका प्रसिद्ध बांधकाम व्यावसायिकाला उपमुख्यमंत्री अजित पवार (Ajit Pawar) यांच्या फोन नंबरचा गैरवापर करून धमकी दिल्याचा प्रकार समोर आला आहे. अजित पवार यांच्या मोबाईल क्रमांकाचा वापर करून बांधकाम व्यावसायिकाकडे खंडणीची मागणी करण्यात आली होती. याप्रकरणी पुणे पोलिसांनी सहा जणांना अटक केली आहे.

याबाबत मिळालेली माहिती अशी की, आरोपींनी उपमुख्यमंत्री अजित पवार यांच्या मोबाइल क्रमांकाचा वापर करून धमकीचा कॉल केला. यानंतर बांधकाम व्यावसायिकाकडून 20 लाखांची खंडणी मागितली होती. आरोपींनी गूगल प्ले स्टोअरवरून 'फेक कॉल अ‍ॅप' नावाच्या अ‍ ॅपचा वापर करत अजित पवारांचा मोबाइल क्रमांक वापरला होता.

आरोपींनी फेक कॉल अॅपवरून कॉल करताना आपण उपमुख्यमंत्री अजित पवार यांचा पीए बोलत असल्याचं सांगितलं. त्यानंतर संबंधित व्यावसायिकाकडे २० लाख रुपयांची खंडणी मागण्यात आली. याबाद्दलची माहिती पुण्याचे पोलिस आयुक्त अमिताभ गुप्ता यांनी दिली.