पुणे - ससून रुग्णालयाच्या नव्या इमारतीच्या लिफ्टमध्ये शुक्रवारी दुपारी सहाजण अडकल्याची घटना घडली. सुमारे पाऊण तासांच्या प्रयत्नानंतर अग्निशामक दलाच्या जवानांनी त्यांची सुखरूप सुटका केली. ससूनमधील रुग्णांचे नातेवाईक आणि कर्मचारी असे सहाजण दुपारी बाराच्या सुमारास लिफ्टमधून तळमजल्यावर जात होते.
परंतु लिफ्ट चौथ्या आणि पाचव्या मजल्यादरम्यान अडकली. लिफ्टमध्ये अडकलेल्या नागरिकांनी घाबरून मदतीसाठी आरडाओरडा केला. त्यावर रुग्णालयातील सुरक्षा रक्षकांनी लिफ्ट तळमजल्यावर आणण्याचा प्रयत्न केला. तसेच, त्यांनी अग्निशामक दलास कळविले.
अग्निशामक दलाचे जवान घटनास्थळी पोचले. त्यांनी लिफ्ट कंपनीच्या कर्मचाऱ्यांशी संपर्क साधला. लिफ्टमध्ये अडकलेल्या नागरिकांना ‘घाबरू नका, आम्ही आहोत’, असा धीर देत त्यांच्या सुटकेसाठी प्रयत्न सुरू केले. घटनेचे गांभीर्य लक्षात घेत जवानांनी लिफ्टचा दरवाजा वाकवून दोन महिलांसह सहाजणांची सुटका केली.
अग्निशामक दलाचे अधिकारी संजय रामटेके, प्रशांत गायकर, सचिन चव्हाण, ओंकार साखरे, सुनील नामे, केतन नरके, परेश जाधव आणि अक्षय शिंदे मदतकार्यात सहभाग घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
