आयकर सवलतीसाठी गुंतवणुकीची कागदपत्रे सादर करावीत

पुणे - सेवानिवृत्त सनदी अधिकारी, माजी आमदार यांच्यासह सर्व राज्य सरकारी सेवानिवृत्तीधारकांना आयकर सवलतीसाठी गुंतवणुकीची कागदपत्रे सादर करण्याचे आवाहन जिल्हा कोशागार कार्यालयाच्या वतीने करण्यात आले आहे.

निवृत्ती वेतनधारकांचे २०२१-२२ या आर्थिक वर्षासाठी निवृत्तिवेतनाचे करपात्र उत्पन्न सर्व सवलती वगळता पाच लाख रुपयांपेक्षा जास्त असल्यास आयकराची गणना होते. त्यामुळे करपात्र उत्पन्न पाच लाख रुपयांहून अधिक असल्यास त्यांनी आयकर कायद्यानुसार गुंतवणूक, बचत केली असल्यास त्याची कागदपत्रे, सत्यप्रत तसेच पॅनकार्डची सत्यप्रत कोशागार कार्यालयात प्रत्यक्ष किंवा to.pune@zillamhakosh.in या इ-मेलद्वारे २० नोव्हेंबरअखेर सादर करावी.

कागदपत्रे मुदतीत सादर न केल्यास अतिरिक्त कोशागार कार्यालयाकडून २०२१-२२ च्या आयकराची कपात निवृत्तीवेतनातून करण्यात येईल, अशी माहिती वरिष्ठ कोशागार अधिकारी यांनी दिली.