कोरेगाव भीमा (पुणे) : कोरोनामुळे सर्वच जातिधर्माच्या कार्यक्रमांवर परिणाम झाला आहे. येत्या एक जानेवारीला पेरणे येथील ऐतिहासिक विजयस्तंभ शौर्यदिन कार्यक्रमाचा योग्य निर्णयही त्यावेळची परिस्थिती पाहून सरकार घेईल, अशी माहिती नवे जिल्हा पोलिस अधीक्षक अभिनव देशमुख यांनी दिली.
- पुण्याच्या बातम्या वाचण्यासाठी येथे ► क्लिक करा
देशमुख यांनी पदाची सूत्रे हाती घेतल्यानंतर प्रथमच शिरूर-हवेलीला भेट देत, तुळापूर, वढू, पेरणे तसेच कोरेगाव भीमा येथे भेटी देत अधिकाऱ्यांशी चर्चा केली. रविवारी दुपारी देशमुख यांनी सर्वप्रथम पेरणे (ता. हवेली) येथे भेट देऊन येथील ऐतिहासिक विजयस्तंभाची पाहणी केली. त्यानंतर तुळापूर येथील छत्रपती संभाजी राजांच्या बलिदान स्थळाची पाहणी करून त्यांनी अधिकाऱ्यांकडून माहिती घेतली. यावेळी लोणीकंदचे पोलिस निरीक्षक प्रताप मानकर व इतर अधिकारी त्यांच्यासमवेत होते. त्यानंतर देशमुख यांनी कोरेगाव-भीमा येथे भेट देत 2018 मध्ये येथे झालेल्या दंगलीची शिक्रापूरचे पोलिस निरीक्षक सदाशिव शेलार व सहाय्यक पोलिस निरीक्षक मयूर वैरागकर यांच्याकडून माहिती घेत मुख्य चौकात पाहणी केली. त्यानंतर वढू बुद्रुक येथेही छत्रपती संभाजी महाराजांच्या समाधी स्थळास व गोविंद गोपाळ समाधी स्थळास भेट दिली.
तर एक नोव्हेंबरपासून मराठा समाज रस्त्यावर उतरेल; विनायक मेटे यांचा इशारा
जिल्ह्यात कोरोनाची रुग्णसंख्या रोखण्याबाबत आगामी नवरात्रोत्सव तसेच इतर कार्यक्रमात अधिक काळजी घ्यावी लागेल. त्यादृष्टीने पारंपरिक विधी व कार्यक्रम वगळता इतर मिरवणुकांवर निर्बंध आणणे, कोरोना प्रसार रोखण्याच्या दृष्टीने अत्यावश्‍यक आहे. जिल्ह्यात परप्रांतीय कामगार मोठ्या प्रमाणावर असल्याने सहज मिळणाऱ्या शस्त्राचे प्रमाणही मोठे असल्याचे निदर्शनास आले आहे. त्यावर नियंत्रण आणण्याचा प्रयत्न कसोशीने सुरू आहे. औद्योगिक क्षेत्रात गुंडगिरीला चाप लावणार आहे.
- अभिनव देशमुख, जिल्हा पोलिस अधीक्षक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.