पोलिसात तक्रार दिल्याने तलवारीने हल्ला

पुणे - पोलिसांत (Police) तक्रार (Complaint) दिल्याच्या रागातून तलवारीने (Sword) तसेच रॉडने मारून गंभीर जखमी (Injured) करत दहशत पसरविणाऱ्या दोघांना खडक पोलिसांनी अटक (Arrested) केली. यावेळी त्यांच्या साथीदारांवरही पोलिसांनी गुन्हे (Crime) दाखल केले आहेत. अनुराग संतोष मोरे (वय २०) आणि निकुल ऊर्फ तरुण संतोष मोरे (वय २०, दोघेही रा. भवानी पेठ) अशी अटक करण्यात आलेल्या दोघांची नावे आहेत. (Sword attack after reporting to police Crime)

याबाबत कासेवाडी येथे राहणाऱ्या एका ४२ वर्षीय महिलेने फिर्याद दिली आहे. हा प्रकार १० मे रोजी मध्यरात्री कासेवाडी येथी सिद्धार्थनगर येथील आनंद मित्रमंडळाजवळ घडला. आरोपींनी फिर्यादी महिलेने लष्कर पोलिस ठाण्यात तक्रार दिल्याच्या रागातून फिर्यादीच्या भावावर रॉडने व तलवारीने मारहाण करून त्यांना गंभीर जखमी केले.

दरम्यान वाघोली गावाच्या हद्दीत असलेल्या विप्रो कंपनीच्या आवारात टेंपो भरण्यासाठी गेलेल्या तरुणाला मारहाण करणाऱ्या दोघांवर लोणीकंद पोलिस ठाण्यात गुन्हा दाखल करण्यात आला आहे. तेजस पठारे आणि सुरेश पठारे अशी गुन्हा दाखल करण्यात आलेल्या दोघांची नावे आहेत. याबाबत किशोर भालचंद्र रोमन (२६, रा. नगर) यांनी फिर्याद दिली आहे. हा प्रकार मंगळवारी (ता. ११) दुपारी साडेतीनच्या सुमारास घडला.