टेलिफोन एक्स्चेंज सेंटरसासाठी पुरविले 7 हजार सीम कार्ड; एटीएसच्या तपासात धक्कादायक माहिती समोर

पुणे : कोंढव्यातील मिठानगरमध्ये सुरू असलेल्या बनावट टेलिफोन एक्स्चेंज सेंटरला परदेशातून आलेले आंतरराष्ट्रीय फोन स्थानिक फोनवर ट्रान्स्फर करण्यासाठी सहा हजार ८२० सीम कार्ड पुरविण्यात आल्याची धक्कादायक माहिती दहशतवाद विरोधी पथकाने ( एटीएस) केलेल्या तपासात समोर आली आहे..सेंटर चालवीत असल्याप्रकरणात अटक करण्यात आलेल्या नौशाद अहमद सिद्धिकी ऊर्फ कुमार (वय ३२ रा. कोंढवा), महम्मद उजैर शौकत अली अन्सारी ऊर्फ सोनू (वय २९ भिवंडी) आणि पियुष सुभाषराव गजभिये (वय २९ रा. वर्धा) यांच्या पोलिस कोठडीची मुदत संपत असल्याने त्यांना मंगळवारी (ता.१०) न्यायालयात हजर करण्यात आले होते. या प्रकरणात एटीएसने सोमवारी (ता. ९) अब्दुल कासीम सिद्दीकी ऊर्फ रेहान (वय ३४ रा. भिवंडी) आणि प्रवीण गोपाळ श्रीवास्तव (रा. उत्तरप्रदेश) यांना अटक केली आहे. त्यांना १३ सप्टेंबरपर्यंत पोलिस कोठडी सुनावण्यात आली आहे..रेहानने नौशाद, पियुश गजभिये, सोनू या आरोपींना टेलिफोन एक्स्चेंज सेंटर कसे चालवायचे याचे प्रशिक्षण देण्यात आलेले आहे. हे आरोपी भिवंडी येथे सेंटर चालवत होते. त्यांना रेहान कोंढवा येथे घेऊन आला. तसेच तीनही आरोपींना रेहानने बँक खाते आणि क्रिप्टोच्या माध्यमातून पैसे दिल्याचे समोर आले आहे. कोंढवा येथील घर झडतीमध्ये तीन हजार ७८८ सीम कार्ड आढळून आले होते. आरोपींनी ७७ सीम कार्ड कोंढव्यातील भंडारी पूल येथे फेकून दिले होते. ते शोधण्यात आले आहेत. श्रीवास्तव याने आरोपींना सहा हजार ८०० सीम दिले आहेत. ते सीम कार्ड त्याने कोठून आणले होते यांचा तपास करण्यात येत आहे. यातील ६२ सीम कार्डची नोंदणी उत्तर प्रदेश येथून झाली आहे. त्यासाठी आरोंपीना उत्तर प्रदेशला नेऊन तपास करायचा असल्याचे एटीएसने न्यायालयात सांगितले..सेंटरचे जाळे देशभर पसरल्याची शक्यता आरोपींनी व्हाट्सअप दुसऱ्याला वापरायला दिले तसेच व्हाटस्ॲप ओटीपीच्या माध्यमातून पैसे कमावले आहे. अशा प्रकाराच्या सेंटरचे जाळे देशभरात असण्याची शक्यता असून यामागील मास्टरमाईड शोधायचा असल्याने सांगत आरोपींच्या पोलिस कोठडीत वाढ करण्याची मागणी सरकारी पक्षाच्या वतीने सरकारी वकील बोधिनी शशीकर यांनी केली. त्यानुसार न्यायालयाने यापूर्वी अटक केलेल्या आरोपींच्या पोलिस कोठडीत १३ सप्टेंबरपर्यंत वाढ केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.