सिंहगड : सिंहगडाच्या पश्चिम बाजूस असलेल्या खामगाव मावळ तालुका हवेली येथील एकाच कुटुंबातील तब्बल दहा सदस्यांवर मधमाशांनी हल्ला केल्याची घटना घडली असून यामध्ये सर्व सदस्यांची प्रकृती गंभीर आहे. मधमाशांच्या हल्ल्यात जखमी झालेल्या सर्वांना सिंहगड रस्त्यावरील किरकटवाडी फाटा येथील खाजगी रुग्णालयात दाखल करण्यात आले आहे.
खामगाव मावळ येथील रेशमा भदिर्गे, मालन थोपटे, सुरेखा थोपटे, संस्कार भदिर्गे, कादंबरी भदिर्गे, राहुल पवार, नारायण भदिर्गे, सयाजी भदिर्गे, नंदा भदिर्गे व सुरेश चोरघे हे सर्व नातेवाईक आज दुपारच्या सुमारास सांबरेवाडी येथील भवानी आई माता देवीच्या दर्शनासाठी गेले होते. त्यावेळी अचानक त्यांच्यावर मधमाशांनी हल्ला चढवला.
मधमाशांच्या हल्ल्याची तीव्रता एवढी भयानक होती की सर्व सदस्य अत्यावस्थ होऊन पडले होते. गावातील काही नागरिकांना व कुटुंबातील इतर सदस्यांना याची माहिती मिळाल्यानंतर अत्यावस्थ स्थितीत पडलेल्या सर्वांना शोधून काढण्यात आले व खाजगी वाहनाने सिंहगड रस्त्यावरील किरकटवाडी फाटा येथील खाजगी रुग्णालयात सर्वांना उपचारांसाठी दाखल करण्यात आले आहे.
दरम्यान याबाबत माहिती मिळताच पुणे जिल्हा परिषदेचे मुख्य कार्यकारी अधिकारी आयुष प्रसाद यांनी आरोग्य विभाग, पोलीस प्रशासन यांना तातडीने माहिती दिली असून गरज पडल्यास रुग्णांना उपचारांसाठी इतरत्र हलविण्याची व्यवस्था केल्याचे त्यांच्याकडून सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.