पुणे : दहावीमध्ये शिकणाऱ्या मुलाने राहत्या घरात गळफास घेऊन आत्महत्या (committed suicide)केल्याचा धक्कादायक प्रकार शुक्रवारी रात्री उघडकीस आला. हि घटना शुक्रवारी रात्री साडे आठ वाजण्याच्या सुमारास कर्वेनगर येथील काकडे सिटी येथे घडली.
आदी अमित कर्वे (वय 15, रा. काकडे सिटी, कर्वे रस्ता) असे आत्महत्या करणाऱ्या मुलाचे नाव आहे. वारजे माळवाडी पोलिस ठाण्याचे वरिष्ठ पोलिस निरीक्षक शंकर खटके यांनी दिलेल्या माहितीनुसार, आदी, त्याचे आई-वडील व बहिण असे चौघेजण काकडे सिटी परिसरात राहतात. आदीचे वडील एका खासगी बॅंकेत नोकरीस आहेत, तर आई अभिनव शाळेत शिक्षिका आहे. मोठी बहिण महाविद्यालयात शिक्षण घेते. आदी जवळच्याच एका शाळेमध्ये दहावीमध्ये शिक्षण घेत होता. शुक्रवारी घरातील सर्वजण आपापल्या कामानिमित्त बाहेर गेले होते.
सायंकाळी आदीची बहिणी घरी आली, त्यावेळी तिला आदीने घरामध्ये गळफास घेतल्याचे दिसले. तिने याबाबत तत्काळ आई-वडीलांना सांगितले. त्यास रुग्णालयात दाखल करण्यात आले, मात्र त्यापुर्वीच त्याचा मृत्यु झाला होता. याबाबत वारजे माळवाडी पोलिसांनाही खबर देण्यात आली. आदीने आत्महत्या करण्याचे कारण अद्याप समजू शकले नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
