महिला दिनाच्या दिवशी एका महिलेनेच महिलेचा जीव घेतल्याची धक्कादायक घटना समोर आली आहे. घरकाम नीट करत नाही म्हणून सासूने सुनेचे डोके फरशीवर आपटून खून केल्याचा धक्कादायक प्रकार समोर आला आहे. पुण्यातील लोहगाव परिसरामध्ये ही घडली घटना आहे.
घरातील काम नीट करत नाही, तसेच नातवाचा व्यवस्थित सांभाळ करत नसल्यामुळे सासूने सुनेचा फरशीवर डोके आपटून खून केला आहे. या घटनेप्रकरणी विमानतळ पोलिस ठाण्यात गुन्हा दाखल करण्यात आला आहे. रितू रवींद्र माळवी (वय २८) असे खून झालेल्या महिलेचे नाव आहे. तर या प्रकरणी तिची सासू कमला प्रभुलाल माळवी (वय49) हिला अटक करण्यात आली आहे.
मिळालेल्या माहितीनुसार, सून घरात व्यवस्थित काम करत नाही, नातवाचा सांभाळ करत नाही या कारणावरून दोघींमध्ये वाद होते. दोन दिवसांपूर्वी सासू घरातील फ्रिजचा दरवाजा उघडत होती, यावेळी तिचा पाय चुकून सुनेला लागला. या कारणावरून दोघींमध्ये वादावादी झाली. त्यानंतर कमलाने रितूला मारहाण केली तसेच तिचे डोके फरशीवर आपटले. या घटनेत रितुच्या डोक्याला गंभीर दुखापत झाली. तिला रुग्णालयात दाखल केले असता उपचारादरम्यान तिचा मृत्यू झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
