राष्ट्रवादी शरदचंद्र पक्षाचा सहा जागा जिंकण्याचा विश्वास
पुणे, ता. १५ ः लोकसभा निवडणुकीत चांगले यश मिळाल्यानंतर राष्ट्रवादी काँग्रेस शरदचंद्र पवार पक्षाने आता पुण्यातील आठपैकी सहा विधानसभा मतदारसंघांत आपले उमेदवार तुतारी या चिन्हावर निवडून येऊ शकतात, असा दावा केला आहे. पक्षाच्या शहर कार्यकारिणीतर्फे त्याबाबतचा अहवाल पक्षाचे प्रदेशाध्यक्ष जयंत पाटील यांना पाठविण्यात आला.
पक्षाने आता विधानसभा निवडणुकीच्यादृष्टीने तयारी सुरू केली आहे. त्यासाठी पक्ष कार्यालयात शनिवारी बैठक झाली. हडपसर, वडगाव शेरी, खडकवासला, शिवाजीनगर, पर्वती, पुणे कँटोन्मेंट या सहा मतदारसंघांत पक्षाचे उमेदवार मोठ्या फरकाने निवडून येतील, असे या अहवालात नमूद करण्यात आले.
या बैठकीस पक्षाचे शहराध्यक्ष प्रशांत जगताप, माजी खासदार अॅड. वंदना चव्हाण, माजी आमदार अॅड. जयदेव गायकवाड, जिल्हाध्यक्ष माजी आमदार जगन्नाथ शेवाळे, माजी आमदार कुमार गोसावी, अंकुश काकडे, रवींद्र माळवदकर, प्रकाश म्हस्के आदी उपस्थित होते. पक्षाची ताकद, पक्षाचे सशक्त उमेदवार, जिंकून येण्याची खात्री अशा अनेक निकषांवर मतदारसंघांचा आढावा घेण्यात आला.
-----------------------------
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.