दिलासा! पुणे जिल्ह्यात नव्या रुग्णांची संख्या हजारच्या आत

पुणे : पुण्यात तब्बल 2 महिन्याच्या लॉकडाऊननंतर कोरोना रुग्णांची संख्या आटोक्यात आली आहे. दरम्यान पुणे जिल्ह्यात नव्या कोरोना रुग्णांची आकडेवारी हजारच्या आत आली आहे. दरम्यान, शहरात अनलॉक केल्यामुळे नागरिकांची वर्दळ वाढली आहे. त्यामुळे कोरोना संसर्गाचा धोकाही पुन्हा वाढू शकतो त्यामुळे कोरोना रुग्णांच्या संख्या निंयत्रणात आली असली तरी पुणेकरांनो काळजी घ्याच.

पुणे जिल्ह्यात सोमवारी(ता. 7) एकूण 837 नवे कोरोना रुग्ण आढळले असून त्यापैकी पुणे शहरात 177, पिंपरी चिंचवड 206, जिल्हा परिषद कार्यक्षेत्र 384, नगरपालिका क्षेत्र 68, कॅंटोन्मेंट बोर्ड 02 रुग्ण आढळले आहेत. दरम्यान जिल्ह्यात गेल्या 24 तासात 1719 रुग्ण कोरोनामुक्त झाले आहेत तर 37 जणांचा मृत्यू झाला आहे. जिल्ह्यात सध्या 17720 सक्रिय रुग्ण आह. दरम्यान गेल्या 24 तासात 15990 जणांची कोरोना चाचणी झाली आहे.

पुणे जिल्ह्यातील आजपर्यंतचा कोरोना बाधितांची संख्या 10,24,277 वर पोहोचली आहे तर कोरोनामुक्तांची संख्या 9,90,018 वर पोहचली आहे. जिल्ह्यात आतापर्यत 51,631930 जणांची कोरोना चाचणी झाली आहे.

दिवसभरात ५१४ रुग्णांना डिस्चार्ज !

शहरातील ५१४ कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या ४ लाख ६० हजार ०७८ झाली आहे.

दिवसभरात नवे १७७ कोरोनाबाधित!

पुणे शहरात आज नव्याने १७७ कोरोनाबाधित रुग्णांची नोंद झाली असून पुणे शहरातील एकूण संख्या आता ४ लाख ७२ हजार ४३१ इतकी झाली आहे.

पुणे कोरोना अपडेट : सोमवार,०७ जून,२०२१

◆ उपचार सुरु : ३, ९४३

◆ नवे रुग्ण : १७७ (४,७२,४३१)

◆ डिस्चार्ज : ५१४ (४,६०,०७८)

◆ चाचण्या : ४,७७५ (२५,४३,७७३)

◆ मृत्यू : १५ (८,४१०)