पुणे : शहरामध्ये स्वातंत्र्यदिनी कोणत्याही प्रकारचा अनुचित प्रकार घडू नये, यासाठी दिवशी कोणताही अनुचित प्रकार घडू नये यासाठी पुणे पोलिसांनी कडेकोट बंदोबस्त ठेवण्यात आला आहे.
विधानभवनाच्या प्रारंगणामध्ये राज्यपाल भगतसिंग कोश्‍यारी यांच्या हस्ते रविवारी सकाळी ध्वजरोहणाचा मुख्य शासकीय कार्यक्रम होणार आहे. पोलिस मुख्यालयातही विशेष पोलिस संचलन होणार आहे. याबरोबरच निरनिराळ्या संस्था, संघटनांतर्फेही ध्वजारोहण कार्यक्रमाचे आयोजन केले जात आहे. या पार्श्‍वभुमीवर शहरातील सर्व पोलीस ठाण्यांसह शहर गुन्हे अन्वेषण विभाग, विशेष शाखा, वाहतूक नियंत्रण विभागाबरोबरच राज्य राखीव पोलीस दलाची पथके विविध ठिकाणी तैनात करण्यात आली आहेत.
विशेषतः स्वातंत्र्यदिनाच्या पार्श्वभूमीवर काही दहशतवादी संघटना घातपात घडवण्याची शक्‍यता असल्याने सतर्कता बाळगण्याबाबत मागील आठवड्यात गुप्तचर विभागाने सुचित केली आहे. त्यादृष्टीने प्रामुख्याने मोठ्या शहरांमध्ये पुरेशी खबरदारी घेण्याच्या सूचना गृह मंत्रालयाने दिल्या आहेत. त्यामुळे शहरात कडक बंदोबस्त तैनात करण्यात आला आहे. जातीय, धार्मिकदृष्ट्या संवेदनशील ठिकाणी विशेष खबरदारी घेण्यात येत आहे. त्याचबरोबर स्वातंत्र्यदिनाच्या पूर्वसंध्येला वाहन तपासणी, हॉटेल्स, लॉजची तपासणीही पोलिसांकडून घेतली जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
