पुणे शहरात आज ७७ ठिकाणी लसीकरण

पुणे - महापालिकेने (Municipal) आज (शनिवारी) ६१ ठिकाणी कोव्हीशील्ड (Covishield) तर १६ कोव्हॅक्सीनचे (Covaxin) डोस (Dose) देण्याचे नियोजन केले आहे. कोव्हीशील्डच्या उपलब्ध लसीच्या ६० टक्के लस ही ऑनलाइन बुकींग (Online Booking) करून आलेल्या ४५ च्या पुढील नागरिकांच्या पहिल्या डोससाठी उपलब्ध असणार आहे. ऑनलाइन बुकींग सकाळी ८ वाजता सुरू होईल.तर ज्यांनी १३ मार्चपूर्वी (८४ दिवस) पहिला डोस घेतला आहे, त्यांना दुसरा डोस दिला जाणार आहे. तसेच द्विव्यांग, स्तनदा माता व फ्रंटलाइन कर्मचारी व ४५च्या पुढील नागरिकांना थेट लसीकरण केंद्रावर पहिला डोस दिला जाईल. (Today 77 Places Corona Vaccination in Pune City)

कोव्हॅक्सीनची लस १६ केंद्रांवर दिली जाणार असून, १८ वयाच्या पुढील ज्या नागरिकांनी ८ मे पूर्वी लस घेतली आहे अशा नागरिकांच्या केवळ दुसऱ्या डोससाठी ही लस दिली जाईल. यातील ६०टक्के लस ही आॅनलाइन बुकींग केलेल्यांसाठी उपलब्ध असून, सकाळी ८ वाजता बुकींग करता येईल, असे महापालिका प्रशासनाने कळविले आहे.