पोलीस निरीक्षक क्षीरसागर यांचा गौरव

आळेफाटा, ता.१९ ः आळेफाटा (ता.जुन्नर) पोलीस ठाण्याचे पोलीस निरीक्षक प्रमोद क्षीरसागर यांना फेब्रवारी २०२२ मध्ये केलेल्या उत्कृष्ट कामगिरीबद्दल सर्वोत्कृष्ट प्रकटीकरण पुरस्कार मिळाला आहे. पुणे ग्रामीण पोलीस अधीक्षक अभिनव देशमुख यांच्या हस्ते त्यांचा गौरव करण्यात आला.
आळेफाटा बसस्थानक परिसरात परप्रांतीय मजुराचा खून करून पसार झालेल्या खुनाच्या आरोपीने अहमदनगर मध्ये आसरा घेतला होता. वर्षभरानंतर आरोपीला दारूच्या अड्ड्यावर जेरबंद करण्यात आळेफाटा पोलिसांना यश आले. त्याबद्दल पुरस्कार जाहीर झाला होता. डिसेंबर २०२१ मध्ये आळेफाटा पोलीस ठाण्याचा पदभार घेतल्यापासून पोलीस निरीक्षक प्रमोद क्षीरसागर यांनी अनेक सामाजिक उपक्रम राबविले आहेत.
ALE22A01284