आळंदीत ज्येष्ठाकडील दागिन्यांची लूट

आळंदी, ता.२१: रस्त्याने पायी जाणाऱ्या ज्येष्ठ नागरिकाला बोलण्यात गुंगवून अनोळखी चोरट्याने पोलिस असल्याची बतावणी करत सोन्याचे दागिने लुटून पोबारा केला. शहरातील भर मध्यवस्तीत रविवारी (ता. १७) हा प्रकार घडला. याप्रकरणी ज्ञानेश्वर धोंडिबा रंधवे यांनी आळंदी पोलिस ठाण्यात फिर्याद दिली. रंधवे हे आळंदी- मरकळ रस्त्याने आवारी हॉस्पीटलसमोरून पायी चालले होते. यावेळी पाठीमागून बुलेटवरून आलेल्या अनोळखी इसमाने बोलण्यात गुंगवून रूग्णालयाच्या पाठीमागील मोकळ्या जागेत नेले. मी पोलिस आहे असे सांगून चोरट्याने रंधवे यांच्या गळ्यातील सोन्याची चेन, अंगठ्या काढून घेऊन पोबारा केला. चोरट्याने अठ्ठेचाळीस हजार रुपये किमतीचे दागिने नेल्याचे फिर्यादीत म्हटले आहे.

यामध्ये वाहनांच्या काळ्या काचा, हेल्मेट नसलेले, लायसन नसलेले, वाहनांना नंबर प्लेट नसलेले, शीट बेल्ट न लावलेले, वाहन चालू असताना फोनवर बोलणे आणि तोंडाला मास्क नसलेले अशा एकूण ७२ जणांवर कारवाई करून त्यांच्याकडून सुमारे ४८ हजार रुपयांचा दंड वसूल केल्याचे पोलिस निरीक्षक शेडगे यांनी सांगितले.दरम्यान, तळेगाव ढमढेरे- शिक्रापूर पोलिस स्टेशन अंतर्गत वाहतुकीला शिस्त लावण्यासाठी नियम मोडणाऱ्या वाहन चालकांवर सर्वत्र कारवाई करण्यात येत असून, कोरोनाला प्रतिबंध करण्यासाठी घराबाहेर पडणाऱ्या नागरिकांनी तोंडाला मास्क लावावा. तसेच नागरिकांनी रस्त्यावरील नियमांचे पालन करून प्रशासनाला सहकार्य करावे, असे आवाहन शेडगे यांनी केलेआहे.