आळेफाटा बाजार समितीत हजारो कांदा पिशवीची आवक

आळेफाटा, ता. ३ : आळेफाटा येथील उपबाजारात रविवारी (ता. २) कांद्याच्या १३ हजार २८ पिशवीची आवक झाली असून चांगल्या प्रतीच्या गोळा कांद्यास दहा किलोला २७१ रुपये बाजारभाव मिळाला आहे. अशी माहिती कृषी उत्पन्न बाजार समितीचे सभापती संजय काळे, संचालक प्रीतम काळे, नबाजी गाडगे, सचिव रूपेश कवडे व व्यवस्थापक प्रशांत महाबरे यांनी दिली.

जुन्नर कृषी उत्पन्न बाजार समितीच्या आळेफाटा या ठिकाणी झालेल्या मोढयांत एक नंबर कांद्यास दहा किलोस २३० ते २५० रुपये बाजारभाव मिळाला तर दोन नंबर कांद्यास २०० ते २३० बाजारभाव मिळाला‌‌. तीन नंबर गोल्टी कांद्यास १५० ते २०० रुपये बाजारभाव मिळाला तर चार नंबर बदला गोल्टी कांद्यास दहा किलोस ८० ते १४० बाजारभाव मिळाला.
दरम्यान, येथील बाजार समितीत शुक्रवारी झालेल्या मोंढयात कांद्याचा बाजारभावात किलो मागे ५ ते ६ रुपयांनी भाव वाढ झाली होती परंतु रविवारी पुन्हा बाजारभावात घसरण झाली असल्याची माहिती संतोष कुऱ्हाडे, विजय कुऱ्हाडे, अनिल गडगे, शिवप्रसाद गोळवा, ज्ञानेश्वर गाढवे, संदीप कोरडे यांनी दिली.