Onion Price : १० किलो कांद्याला मिळाला ५०० रुपये भाव

आळेफाटा : आळेफाटा (ता.१९) येथील उपबाजार समितीत शुक्रवारी (ता.१८) कांद्यास दहा किलोस ५०० रुपये बाजारभाव मिळाला. उपबाजारात १२ हजार ७६२ पिशव्यांची आवक झाली.

एक नंबर एक्स्ट्रा गोळा कांद्यास दहा किलोला ५०० रुपये बाजारभाव मिळाला आहे, अशी माहिती बाजार समितीचे सभापती संजय काळे, उपसभापती प्रितम काळे, सचिव रूपेश कवडे व आळेफाटा येथील कार्यालय प्रमुख प्रशांत महांबरे यांनी दिली.

बाजारात एक नंबर कांद्याच्या प्रतिदहा दहा किलोस ४५५ ते ४६५, दोन नंबरला ४१५ ते ४५०, तीन नंबराला ३०० ते ३९० तर चिंगळी कांद्यास २५० ते ३२० रुपये बाजारभाव मिळाला आहे.