शिक्रापूर - येथील एका १७ वर्षीय मुलीला आत्महत्येची धमकी देऊन पळवून नेणाऱ्या चेतन मारुती मलगुंडे (वय १९, रा. ढोकसांगवी, ता. शिरूर) याला बुलडाणा येथून शिक्रापूर पोलिसांनी अटक तर केलीच शिवाय सोबत असलेल्या अपहृत मुलीची सुटकाही केली. या प्रकरणी चेतनवर अपहरण, बलात्कारासह बाललैंगिक अत्याचाराचा गुन्हा दाखल करण्यात आल्याची माहिती शिक्रापूर पोलिसांनी दिली.
पोलिसांच्या माहितीनुसार, येथील एका १७ वर्षीय युवतीची ओळख चेतन मलगुंडे या युवकासोबत काही दिवसांपूर्वी झाली होती. ही ओळख त्याने वाढविली व तिला लग्नाची गळ घालायला सुरुवात केली. पुढे ही मुलगी ऐकत नसल्याने चेतन याने ‘तू माझ्यासोबत चल नाहीतर मी आत्महत्या करेन,’ अशी धमकी द्यायला सुरुवात करीत एक दिवस तिला थेट पळवूनच नेले.
या मुलीच्या कुटुंबीयांनी शिक्रापूर पोलिसांकडे तक्रार दाखल करताच एक स्वतंत्र पोलिस पथकच या तपासासाठी पोलिस निरीक्षक प्रमोद क्षीरसागर यांनी नेमले. या पथकाने पुढील दोनच दिवसांत चेतन मलगुंडेचा शोध घेत थेट बुलडाणा गाठले. तेथून मलगुंडे याला अटक केली आणि अपहृत मुलीची सुटकाही केली. दरम्यान, चेतनला शिरूर न्यायालयात हजर केले असता, त्याची न्यायालयीन कोठडीत रवानगी केल्याची माहिती पोलिसांनी दिली. अधिक तपास सहायक पोलिस निरीक्षक रणजित पठारे व पोलिस नाईक अमोल नलगे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.