पुणे : महाविद्यालयीन युवकाच्या ब्लेडने भुवया कापल्या
महाविद्यालयीन युवकास मारहाण करून त्याच्या भुवया ब्लेडने कापण्याचा प्रकार उघडकीस आला आहे.
पुणे - महाविद्यालयीन युवकास (Youth) मारहाण करून त्याच्या भुवया (Eyebrow) ब्लेडने (Blade) कापण्याचा (Cutting) प्रकार उघडकीस आला आहे. या प्रकरणी रिझवान खलिल (रा. कागदीपुरा, कसबा पेठ) आणि साथीदार साहिल कुरेशी यांच्या विरोधात गुन्हा (Crime) दाखल करण्यात आला आहे.
याबाबत युवकाच्या वडिलांनी समर्थ पोलिस ठाण्यात फिर्याद दिली आहे. सतरा वर्षीय युवक महाविद्यालयीन क्लासला जात होता. त्यावेळी आरोपी खलिल आणि कुरेशी यांनी युवकाच्या मोबाईल क्रमांकावर संपर्क साधला. ‘तुझी शिकवणी वर्गात काय भानगड चालू आहे, हे माहीत आहे. हे प्रकरण आपण मिटवून टाकू,’ असे युवकाला आरोपींनी सांगितले.
युवकाला रास्ता पेठेतील महात्मा फुले चौकात भेटण्यासाठी बोलाविले. आरोपींनी युवकाला धमकावून त्याला शिवीगाळ केली. त्याला मारहाण केली. त्यानंतर कुरेशीने युवकाचे हात पकडून ठेवले, तर खलिलने ब्लेडने युवकाच्या भुवया कापल्या. त्यानंतर आरोपी तेथून पसार झाले. घाबरलेल्या युवकाने या घटनेची माहिती वडिलांना दिली. पसार झालेल्या आरोपींचा शोध घेण्यात येत असून पोलिस उपनिरीक्षक सुरेश चौधर तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.