जेवणानंतर सुस्ती की मस्ती?

शिवाजीनगर, ता. ६ : नागरिकांची प्रशासकीय कामे करण्यासाठी उभारलेल्या क्षेत्रीय कार्यालयामध्ये प्रमुख अधिकारी व कर्मचारी जेवणानंतर उपस्थित नसल्याने नागरिकांची कामे कशी होणार? असा प्रश्न उपस्थित झाला आहे.
शिवाजीनगर-घोले रस्ता क्षेत्रीय कार्यालयातील अधिकारी, वैद्यकीय अधिकारी, आरोग्य निरीक्षक, प्रशासन अधिकारी, शाखा अभियंता, कर आकारणी अधिकारी, विद्युत विभाग या विभागातील प्रमुख अधिकारीच सोमवारी जेवणानंतर जागेवर उपस्थित नसल्याचे दिसले. संबंधित शिपायांना विचारले असता, अधिकारी येत आहेत, बाहेर गेले आहेत, कामानिमित्त महापालिकेत गेले आहेत, अशी विविध कारणे सांगण्यात आली.

१) तळ मजला
अ) कर आकारणी विभाग
- एकूण ८ कर्मचारी असताना फक्त एक उपस्थित
- इंटरनेट बंद असल्याने कामकाज सकाळपासून बंद
- अधिकारी वसुलीसाठी गेल्याचे सांगण्यात आले
- काउंटरवर एकही कर्मचारी उपस्थित नाही

ब) जन्म मृत्यू दाखले वितरण
- दोन कर्मचारी वेळेवर उपस्थित, नागरिकांची गर्दी
---------------------------------
२) पहिला मजला
अ) प्रशासन विभाग
- प्रमुख अधिकारी अनुपस्थित
- क्षेत्रीय अधिकारी, प्रशासकीय अधिकारी, विद्युत विभाग प्रमुख, शाखा अभियंता, हिरकणी कक्ष बंद, वृक्ष प्राधिकरण अल्प कर्मचारी

---------------------------------------
३) दुसरा मजला
अ) आरोग्य विभाग
आरोग्य निरीक्षक ,परिमंडळ आरोग्य अधिकारी क्र २, वरिष्ठ आरोग्य निरीक्षक, आरोग्य निरीक्षक दहा पैकी तीन हजर, सफाई सेवक चार पैकी तीन हजर, विवाह नोंदणी अधिकारी उपस्थित होते.