जेजुरीत जिजामाता विद्यालयात विद्यार्थांना मोफत गणवेश वाटप

जेजुरी, ता. १४ ः जिजामाता हायस्कूल व ज्युनिअर कॉलेज जेजुरी या विद्यालयातील गरजू, होतकरू ५० विद्यार्थांना पुणे येथील मातृ-पितृ स्मृती सपकाळ ट्रस्टच्या वतीने मोफत गणवेश वाटप करण्यात आले.

पुणे जिल्हा माध्यमिक व उच्च माध्यमिक शाळा मुख्याध्यापक संघाचे अध्यक्ष, विद्यालयाचे राष्ट्रपती पुरस्कार प्राप्त प्राचार्य नंदकुमार सागर, ट्रस्टचे अध्यक्ष प्रवीण सपकाळ, सचिव राजेश्री सपकाळ, पद्माकर आढाव, संगीता आढाव, प्रणव आढाव, शीतल आढाव, स्वाती तांभाळे, मंदार कदम, काव्या कदम, रोहन गावडे, अथांग गावडे, सौरभ कुंदेन, कामिनी कुंदेन, शिवांश कुंदेन, प्राथमिक विद्यालयाच्या मुख्याध्यापिका गायत्री बेलसरे, अमोल बेलसरे यांच्या हस्ते करण्यात आले.

यावेळी प्राचार्य नंदकुमार सागर, बी. एम. काळे, प्रवीण सपकाळ, स्वाती तांभाळे, संगीता आढाव, पद्माकर आढाव, रोहन गावडे यांनी विद्यार्थांना मार्गदर्शन केले. कडेपठार गड पायथ्याशी वृक्षारोपण करण्यात आले. मातृ-पितृ स्मृती सपकाळ ट्रस्ट हे शहरी व ग्रामीण परिसरात काम करत आहे. ग्रामीण भागातील गरीब, गरजू, विद्यार्थी, केवळ आर्थिक परिस्थितीमुळे शिक्षणापासून वंचित राहू नयेत, म्हणून दरवर्षी जिजामाता विद्यालयामध्ये ५० विद्यार्थ्यांना दत्तक घेण्यात येतात. तसेच शिष्यवृत्ती वाटप केली जाते. या ट्रस्टच्या वतीने जिजामाता विद्यालय परिसरात पिण्याच्या पाण्यासाठी एक विंधन विहीर खोदून त्यावर मोटर बसवून दिली आहे.
शाळा समन्वयक प्रल्हाद गिरमे, पर्यवेक्षिका लीना पायगुडे, माध्यमिक विभागप्रमुख बाळासाहेब जगताप, सोनबा दुर्गाडे, सोमनाथ उबाळे, राजाराम पिसाळ, निर्मला निगडे, राघू हारुळे, कुलदीप साळवे, गणेश भंडलकर, सारिका थोपटे, प्राजक्ता क्षीरसागर, पूनम उबाळे यांनी कार्यक्रमाचे नियोजन केले. सागर चव्हाण यांनी सूत्रसंचालन तर वर्षा देसाई यांनी आभार मानले.