जिल्हा बँकेच्या कायदेशीर सल्लागारपदी ॲड. नवनाथ निघोट

मंचर, ता. १० : पुणे जिल्हा मध्यवर्ती सहकारी बँकेच्या कायदेशीर सल्लागारपदी ॲड. नवनाथ राजाराम निघोट यांची नियुक्ती करण्यात आली. पुणे जिल्हा मध्यवर्ती बँकेच्या कार्यकारी समितीच्या बैठकीत ॲड. निघोट यांनी केलेल्या कामकाजाविषयी चर्चा झाली. त्यामध्ये शेती, बिगरशेती कर्ज पुरवठा अंतर्गत दाखल झालेली कर्ज प्रकरणे, तारण मालमत्तेचा सर्च व टायटल रिपोर्ट, गहाणखत तयार करणे, आदी कायदेविषयक कामकाजाचे मूल्यांकन बँकेने केले. त्यानंतर ॲड निघोट यांची आंबेगाव विभागासाठी नियुक्ती केल्याचे जिल्हा बँकेने दिलेल्या पत्रात नमूद केले आहे.