वसंतदादा पाटील कॉलेजतर्फे वास्तुकला प्रदर्शन

पुणे, ता. २१ : विवेकानंद इन्स्टिट्यूट ऑफ टेक्नॉलॉजीचे पद्मभूषण डॉ. वसंतदादा पाटील कॉलेज ऑफ आर्किटेक्चर महाविद्यालयाचे ‘एक्झिट’ हे वास्तुकला प्रदर्शन सॅलेसबरी पार्कमधील महावीर जैन इंग्रजी शाळा येथे आयोजित करण्यात आले होते. प्रदर्शनाचे उद्‍घाटन कौन्सिल ऑफ आर्किटेक्चरचे अध्यक्ष अभय पुरोहित यांच्या हस्ते दीपप्रज्वलन करून झाले. या वेळी महाविद्यालयाचे अध्यक्ष अभय छाजेड, सरचिटणीस जितेंद्र पितळीया, प्राचार्य प्रसन्न देसाई व वरिष्ठ प्राध्यापक शेखर गरुड उपस्थित होते. पिंपरी-चिंचवड महानगरपालिकेचे आयुक्त शेखर सिंह यांनी प्रदर्शनाला भेट दिली. प्रा. शिवराम सोमसुंदरम व प्रा. अदिती निरगुंडकर यांनी या कार्यक्रमाचे सूत्रसंचालन केले. या सर्व प्रदर्शनाचे आयोजन प्रा. विजया श्रीनिवासन, प्रा. वैभव कुलकर्णी व प्रा. आशीष श्रीवास्तव यांनी केले होते.