---

पुण्यनगरी न्हाऊन निघाली भक्तिरसात

सर्वांमाजी श्रेष्ठ पुण्यभूमी वैकुंठ ।
विठ्ठल मूळपीठ जगदोद्धार ॥
निवृत्ती निरोपण ज्ञानदेवा ध्यान ।
सर्वत्र नारायण एकरूप ॥
पालखी सोहळा मुक्कामामुळे सोमवारी पुण्यनगरी भक्तिरसात न्हाऊन निघाली. संत ज्ञानेश्‍वर महाराज व संत तुकाराम महाराज यांच्या पादुका दर्शनासाठी अलोट गर्दी लोटली होती. वारकऱ्यांच्या सेवेसाठी पुणेकरांनी विविध उपक्रमांचे आयोजन केले होते.

आरोग्य तपासणी, गोळ्या वाटप
पुणे: वारीत सहभागी झालेल्या वारकऱ्यांची आरोग्य तपासणी व गोळ्या वाटप करण्यात आले. डॉ. मोनिका काटे-पानसरे यांनी या उपक्रमाचे आयोजन केले होते. यात १५०० जणांची तपासणी केली. हा उपक्रम डॉ. बाबासाहेब आंबेडकर प्राथमिक विद्यालय वाकडेवाडी येथे आयोजित केला होता.