कोद्रे, गुजर यांना
जीवन गौरव पुरस्कार

कोद्रे, गुजर यांना जीवन गौरव पुरस्कार

Published on

पुणे, ता. २६ : सहकार व बॅंकिंग क्षेत्रात बहुमूल्य योगदान दिल्याबद्दल पुणे नागरी सहकारी बँक्स असोसिएशन लिमिटेड (महाराष्ट्र) तर्फे देण्यात येणारा २०२२-२३ वर्षासाठीचा जीवन गौरव पुरस्कार पुणे कॅंटोन्मेंट बँकेचे अध्यक्ष कैलास कोद्रे आणि २०२३-२४ वर्षासाठीचा पुरस्कार प्रेरणा सहकारी बँक थेरगावचे संस्थापक संचालक तुकाराम गुजर यांना प्रदान करण्यात येणार आहे. शिवदर्शन येथील राजीव गांधी अॅकॅडमी ऑफ ई-लर्निंग स्कूल येथे शनिवारी (ता. २८) दुपारी १२.३० वाजता हा कार्यक्रम होणार आहे, अशी माहिती असोसिएशनचे अध्यक्ष अॅड. सुभाष मोहिते यांनी पत्रकार परिषदेत दिली.
अॅड. मोहिते म्हणाले, ‘‘केंद्र सरकारमध्ये सहकार आणि नागरी विमान वाहतूक राज्यमंत्री म्हणून निवड झाल्याबद्दल मुरलीधर मोहोळ यांचाही विशेष सन्मान करण्यात येणार आहे. २०२२-२३ व २०२३-२४ या वर्षांत ज्या बँकांनी शून्य टक्के एनपीए राखला, त्या बँकांचा गौरव करण्यात येणार आहे. असोसिएशनने आयोजित केलेल्या प्रशिक्षण कार्यक्रमांमध्ये ज्या बँकांनी जास्तीत जास्त सहभाग घेतला, त्या बँकांनाही सन्मानित करण्यात येईल.’’
कार्यक्रमाच्या अध्यक्षस्थानी राज्याचे सहकार आयुक्त दीपक तावरे तर, प्रमुख पाहुणे म्हणून रिझर्व बँक ऑफ इंडियाचे संचालक सतीश मराठे, राज्य सहकारी निवडणूक प्राधिकरणाचे आयुक्त अनिल कवडे, वैकुंठ मेहता राष्ट्रीय सह. प्रबंधन संस्थानच्या निदेशक डॉ. हेमा यादव आणि महाराष्ट्र राज्य सहकारी बँक मुंबईचे प्रशासक विद्याधर अनास्कर आदी उपस्थित राहणार आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.