State Reserve Police Force : राज्य राखीव पोलिस दलाच्या अद्ययावत संकेतस्थळाचे लोकार्पण

पुणे : राज्य राखीव पोलिस दलाचे (एसआरपीएफ) संकेतस्थळ सायबर सुरक्षितता व नवीन तंत्रज्ञानामुळे अद्ययावत केले असून, ‘एसआरपीएफ’चे अतिरिक्त पोलिस महासंचालक चिरंजीव प्रसाद यांच्या हस्ते संकेतस्थळाचे शुक्रवारी लोकार्पण करण्यात आले.

या वेळी पुणे विशेष पोलिस महानिरीक्षक अशोक मोराळे, पोलिस उपमहानिरीक्षक अभिषेक त्रिमुखे, राज्य राखीव पोलिस बल गट क्रमांक दोनच्या समादेशक नम्रता पाटील आदी उपस्थित होते.

प्रसाद म्हणाले, ‘‘सर्व नागरिकांना उपयुक्त होईल, यादृष्टीने अद्ययावत संकेतस्थळावर माहिती उपलब्ध करून दिली आहे.’’ पाटील म्हणाल्या, ‘‘नूतनीकरण केलेले संकेतस्थळ कार्बन फूटप्रिंटचा वापर करून तयार केले आहे. भारतातील प्रथम शासकीय संकेतस्थळ असून, जगातील ७२ टक्के वेब पेजेसपेक्षा कमी कार्बन उत्सर्जित करते.’’