ट्रकच्या धडकेत ज्येष्ठ नागरिकाचा मृत्यू

पुणे, ता. ११ : दांडेकर पूल चौकात ट्रकच्या धडकेत ज्येष्ठ नागरिकाचा मृत्यू झाल्याची घटना शुक्रवारी (ता. १०) दुपारी घडली. अपघातानंतर पसार झालेल्या ट्रकचालकाविरुद्ध गुन्हा दाखल करण्यात आला आहे.
अर्जुन दगडू बसवंत (वय ७५, रा. पानमळा, सिंहगड रस्ता) असे मृत्युमुखी पडलेल्या ज्येष्ठ नागरिकाचे नाव आहे. याप्रकरणी बसवंत यांचा मुलगा प्रकाश (वय ३२) यांनी पर्वती पोलिस ठाण्यात फिर्याद दिली आहे. अर्जुन बसवंत हे दांडेकर पूल चौकातून जात होते. त्यावेळी रस्ता ओलांडणाऱ्या बसवंत यांना ट्रकने धडक दिली. अपघातात गंभीर जखमी झालेल्या बसवंत यांचा उपचारांपूर्वीच मृत्यू झाला होता. सहायक पोलिस निरीक्षक वाय. बी. पाटील अधिक तपास करत आहेत.